[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.15
「原來都已經搞咗咁耐，沖個靚涼先！快快手感受下就算，費時哂水。」我自言自語。
時間22:20
好快咁沖完涼，我先至回神，原來班裏面有一半同學已經梳洗好，準備訓覺。
佢地口中都講住一句：「早啲訓，早啲訓，唔好望手機，訓覺就唔會肚餓架啦。」
我破涕為笑，原來佢地係因為唔夠食先咁嘅樣。
「大家今日早啲訓，聽日我地去搵多啲食物，大家就唔使驚冇嘢食啦！」
「吓，仲要等聽日啊，我好肚餓啊，就快餓死啦。」
呢個人之前一定係少爺仔，少少嘢都頂唔順。果然係香港人，對於未知係天災定人禍嘅情況，都仲係唔知咩事。
佢仲要係一直諗住自己，我都唔知講咩好。呢一刻，第二人格L出咗黎，同我講笑話：「喂，你唔係咁都忍佢啊？係我就打獲佢啦。」
M：「我都想打佢，但係比人睇到就唔好啦，我唔想比人倒轉頭圍我爐啊。睇人pk最開心啊！睇佢慢慢嗌啦，幾好笑。」
L：「好啦好啦，咁我都係收收皮算數。」
M：「早抖啦你，返入去訓！」
L：「okay,fine~」
M：「喂，你真係去訓架。」
L沒有作聲，空氣好像凝固了一般。
佢一入返去，真係特別無聊，叫天天不應，叫地地不靈。想搵個人同我傾計都咁難，可能就得佢肯啦，冇計，鬼叫我冇乜朋友。
但我冇去搵佢，而係用IG去同佢chat，佢一向都好隨心去睇message，所以send完之後我就放低手機，出去外面睇下水，問候下巡邏嘅朋友們。
時間22：45
地點：坪石公園［末日加油站］範圍
「哈，真係舒服啊，果然冇人嘅世界特別美好，空氣都清新啲嘅，爽啊！習慣獨行嘅我本身就啱曬呢個世界，就算死咗，或者受傷都唔應該有人為我傷心，但係點解，我會做出咁嘅決定？
我啊，應該由得佢地自生自滅架嘛。會唔會可能係因為心裏面嗰一個L，都影響咗我嘅諗法呢。」
唔記得同大家講，L係一個好為朋友着想嘅人，但係永遠都唔會為自己去諗，即係寧願搵自己笨都唔想人地蝕底。
L呢一個性格，我原本係冇嘅，但佢多年前嘅離開，我接受唔到，為咗我同佢嘅回憶唔好腐化，我一樣一樣去為佢改變，畢竟佢係我最好嘅朋友。
嗯，現在的我也成功重新出發了呢，多得佢留咗喺我嘅回憶之中，我先可以重新振作，並且發現佢嘅出現，喺我心中烙印住。
由以前到依家，佢都係我最好嘅朋友，從來冇人可以替代，我地嘅關係都已經由第一次見面開始昇華，到最後一次，佢已經係我唯一嘅知心朋友。我啊，好掛住你啊，L，雖然你依家住喺我心裏面，但係我真係想見你。
「想見你，只想見你，未來過去，我只想見你。」呢個moment當然要用到呢句歌詞，雖然之前已經用過，但係我只可以諗到呢句歌詞，亦都係得呢句可以為我嘅朋友作一個懷念，可能你會覺得成件事好gay，但係我非常認真，唔講笑。
你知道我認真代表咩嘅，唔重要嘅嘢我唔會上心，呢個喺我到依家都放唔低嘅心結，我好想為佢完成佢一直嘅心願，「改變世界」「一定要用笑容」，估唔到佢嗰時嘅無心之句，竟然係佢最後嘅心願，我會承諾，幫佢完成心願，一定。
「佢應該諗唔到我會記住呢句嘢啩，我要比個驚喜佢。」我自言自語。
呢個時間，當緊值嘅係之前我未提過嘅Karl。
佢係一個比較瘦削嘅人，音樂天才（好似喺呢個時勢冇乜用），不過都可以娛樂一下，幫大家放鬆心情嘅......應該。
我見到佢嘅時候，其實佢都係心不在焉，並非因為掛住鋼琴，而係佢仲未接受到。我冇計，點都要去搵佢傾下，費時佢驚起上黎發神經。
M：「喂。」
KARL：「咩料，講嘢。」
M：「你個樣驚成咁，搞乜。」
KARL：「你鋪話法啊，唔驚架你。」
我當然唔會驚，呢種世界末日嘅情況我一早見過。
M：「點解要驚，啲嘢又唔係衝上黎咬你。更何況有我同一班兄弟一齊，根本唔需要去驚。」
KARL：「咪講到自己咁勁啦，扮曬嘢咁，無料扮四條。」
M：「我就係勁，點啊？」我微笑。
KARL：「係啦係啦😑」
M：「知道就得啦，好好地巡邏啦，有嘢就叫我，用對講機啊！」
點解我會見過？頭先我有提及過嘅「執行任務」。
喺末日發生之前，我就已經因為L嘅離去，加入咗一個地下嘅組織。
為咗唔再令身邊嘅人離開我，我決心要默默咁保護佢地，L真係某程度上驅使我加入呢個組織嘅人，佢令到我改變唔少。
但係要加入呢一個組織嘅條件特別多，其中一件事就係要盡量切斷自己嘅朋友圈子，同埋喺人群之中自動消失。
即係話，加入咗呢個組織之後要六親不認，不過都係為我地呢種死士好，如果真係咁唔好彩執行任務嗰陣死咗，都有人可以記住自己，唔會完全喺呢個世界消失，起碼都會留喺人地嘅心裏面，有人懷念自己。
或者咁講啦，死咗之後唔會有人為自己而傷心囉，呢個一定係某啲人心目中嘅諗法，「獨狼」應該就係指呢種人啦。
來也匆匆，去也匆匆，獨來獨往，從不結伴，「獨狼」內心深處究竟係點嘅呢，恐怕冇人知道。世界就係要靠佢地先可以保持平衡，假如冇咗佢地，世界應該會慢慢咁陷入困境。
「道」就係呢一個組織嘅名。
數數手指，我加入咗都已經最少2年。
執行過嘅任務都唔少，好日呢個組織係唔會指派任務，唔知係咪有人監視住我，我一有重要嘢想做，就即刻派任務落黎，真係X那星，黑人憎到死。
好可惜，我連佢地嘅背脊都見唔到，搵日我一定要train好自己，直搗黃龍，收咗個總部皮，睇佢仲夠唔夠膽玩我，我條命留到今時今日，就係為咗摺起佢地，但係我從來都冇忘記最重要嘅事，保護身邊嘅人，仲有-----------幫L搵出當年嘅真相，為佢做呢件事。至於阿Long嗰邊呢，我就唔講住啦，一言難盡。