由O Camp組爸組媽變左做真正既夫妻: Chapter 74

「B啊，做咩停車既？」Claudia問。

「到啦我地！」

「嘩呢到好似TVB見過既！」

「係啊！」

「呢到幾靚啊！係咪叫佢地落黎啊？」



我講既碧麗苑，如果睇開TVB既師奶一定知會係邊到。佢同另一個屋苑林景閣成日都會係電視見到。到底TVB既監製們係咪對觀塘有情意結，成日囉呢區做拍攝場地。


Claudia問完。我就Wtsapp家姐，佢地就話直接叫我上去。當然我點會比Claudia一個人坐係車到咁衰呢？梗係直接帶埋呢個靚靚女朋友上去比家姐睇啦！除左等家姐佢地唔使擔心我之外，更加想比Claudia了解我同Winnie既過去多一點。

雖然Winnie生前同佢屋企人移居英國，但係佢父母一直都冇將啲物業套現。因為佢地會每個月都會返黎香港一次（每次至少起碼七至十日），以及佢父母係退休公務員，每個月都有退休金（係Winnie去英國讀書前已經提早退休）。而我有時趁佢地係香港就會上去探下佢地。而每個星期Winnie個親戚都會上黎打掃，所以都唔怕間屋會發霉發脹。

入到管理處，個保安叔叔基本上都知個我係邊個，所以都唔需要登記就放我入去。只不過佢見到Claudia既反應有啲奇怪。

上到8樓，我地就出Lift。然後再按Winnie屋企既門鈴。



家姐就出左黎，打開左門。

「Hello 家姐！」

「Aaron，呢位係？」家姐問。

「呢個係我女朋友Claudia啊！」我向家姐介紹Claudia比佢識。

「嘩你叻叻啦！識到個咁靚既女朋友！Claudia你同Aaron叫返我做家姐得架啦！當自己屋企啦！」家姐大讚Claudia。



「係既係既！」Claudia話。

家姐就帶左我同Claudia入屋，而姐夫就係到執行李同照顧麗瑤，姐夫見到我同Claudia都好熱情打招呼。當然，作為幼稚園老師既Claudia即刻母愛上身，不斷咁同麗瑤玩。唔知點解麗瑤見到Claudia就好痴佢，即刻變左一個好開心既細路女。而呢個時候，我就入去Winnie間房到睇睇。

入到去，見到間房都空空如也，只係有Winnie同佢屋企人、我、同埋中學同學既合照。至於Winnie既生前物品，大部分都已經丟晒，但房間裡面嗰種熟悉既味道，以及同Winnie生前既回憶，仍然存在得很深刻。

我同Winnie係房間裡面談情說愛，擁吻，一切既點點滴滴，就好似尋日發生既事咁。覺得Winnie好似冇離開過我，只不過佢用左另一個視覺去看著我。

記得返左香港讀書後，每次上黎Winnie既屋企。我都會泣不成聲⋯⋯但而家既我已經收起了眼淚，反而仲露出左輕鬆既微笑，將我一直擔心既問題完全解決晒。

Winnie，你要我做既野！我終於做到啦！你在天之靈要好好保祐我同Claudia能夠一直走到最後啊！

我望下Winnie其中一張與舊同學既合照，見到個女仔好熟口面。咪住？？呢個咪係⋯⋯Claudia？？？



就係我睇緊張相既時候，Claudia就拖住麗瑤入黎。

「B啊！你係到做咩啊？」Claudia問。

「呢到係Winnie間房啊！」

「原來係咁。不過⋯⋯你做咩望住張相既？」

「冇野啊！」

「咪住⋯⋯呢個咪我囉傻豬！估唔到Winnie仲Keep住我張相！我諗佢而家見到你咁好欣慰。」Claudia笑住咁講。

「多謝你啊B！因為你⋯⋯我先有勇氣再鐘意我心愛既女人！」

「傻豬黎架！你啊以後好好咁對本小姐啊！」



我點左頭，同時家姐佢地執好野，我地就熄燈，整好手尾就一齊搬行李落左樓下到。