由O Camp組爸組媽變左做真正既夫妻: Chapter 88

我哋返去後台等候結果，見到Claudia笑得好甜。唔知係咪因為我頭先拖住佢手仔先至笑得咁甜呢。

「唱得幾好聽喎你！」Claudia大笑。

「你都係呀。我都話你淨係掛住我就得㗎啦！」我話。

「傻瓜！唔知陣間會點呢。」Claudia問我。

「贏唔贏已經唔重要，只要能夠同B你一齊同台演出，已經係最開心嘅事。」我話。



「我都係呀，陣間你可唔可以⋯⋯唱多一次嗰首歌俾我聽。」Claudia話。

「唔知佢哋俾唔俾呢？」我問。

「我諗會掛⋯⋯出結果啦。」Claudia同我講。

呢個時候工作人員就叫返晒我哋上台，宣布今次嘅結果。講真今次所有參賽者真係各有千秋，能夠識到佢哋係一件開心嘅事。不過最開心就係可以能夠同我心愛嘅女人一齊同台演出。

至於你話攞獎與否⋯⋯⋯我同Claudia完全唔在意，因為嗰啲獎項只不過係浮雲，應該係留返比一啲有實力嘅參賽者去拎。



點知⋯⋯當個MC宣布今次Singing Contest給亞軍嘅時候，搞到我同Claudia都嚇咗一跳。因為⋯⋯Claudia竟然攞咗今次嘅亞軍。作為佢男朋友嘅我，為佢攞獎而感到高興。

「恭喜你呀B！」Claudia攞完獎之後即刻抱住我，我就為佢送上祝福。

「你都加油呀，話唔定冠軍會係你呢。」Claudia話。

「這些機會不是屬於我的。」我話。

「俾啲信心自己好冇！我相信你得㗎！」Claudia話。



當個MC同嘉賓宣布今次嘅冠軍嘅時候，一定會例牌玩啲氣氛，想大家估下今次嘅冠軍係邊個。見到觀眾席，有一啲同學仔喺度叫緊我個名。依家搞到我精神有啲緊張添。

突然間MC無啦啦叫咗我個名，搞到我嚇親一下，我心諗我係咪到底發緊夢。

Claudia見到我成個人呆晒，於是就好大力咁樣拍一拍我。睇吓我有冇事。

「係啦就係你啦，本年度音樂社歌唱比賽冠軍就係你啦，梁智勇，Aaron！大家俾啲掌聲佢先啦。」MC向着觀眾介紹我。

冠軍？咩話我竟然攞咗冠軍？我簡直完全唔敢相信，好想叫Claudia拍我N巴，問清楚佢係咪事實。

我就係頒獎嘉賓手上迎接呢個獎項，然後個嘉賓同埋個MC為咗想炒熱下啲氣氛，就叫我講吓得獎嘅感受。

「我就喺呢度首先多謝各位朋友仔來捧我場啦，同埋今年係我哋喺大學嘅Last Year，喺HKU最後嘅日子裏面，希望能夠為我哋嘅回憶添多幾份色彩。而今次亦都係我第一次參加歌唱比賽，我想講我要多謝我女朋友⋯⋯亦都係今次Singing Contest嘅亞軍，Claudia！⋯⋯⋯因為如果冇咗你⋯⋯⋯我係唔會有機會企喺呢個舞台到⋯⋯同我心愛嘅人一齊合唱。」我就斷斷續續抽泣咁講。




我就走去Claudia面前，見到佢已經感動到眼濕濕。然後我就講：「今晚我用咗呢首歌做比賽歌曲，而家我想喺大家面前唱一次俾你聽，我想將我同你呢一段感情能夠《永久保存》。」

唔理會而家有冇伴奏，我只係拎住支咪清唱。所有觀眾、其他參賽者、MC同埋頒獎嘉賓都好主動配合我，係咁喺度因應節奏會拍手。而Claudia一邊感動⋯⋯⋯一邊聽住我唱歌。

點知唱唱下中途，Claudia就突然抱了我，然後我就喺眾人面前向Claudia深深一吻。見到Claudia喊到成隻豬頭咁，我就知今次嘅行動終於成功咗啦！打動到佢嘅心。

我同Claudia甜言蜜語一輪先，跟住就接受MC同其他朋友嘅祝福，一齊大合照。亦都隨即宣佈今次嘅Singing Contest圓滿結束。

Singing Contest完咗之後，O Camp班仔女、組爸組媽、法律系同Education既同學仔、真係估唔到妹妹都過左黎，仲拎住個Banner，裏面有我同Claudia既icon。二其他人亦都拎住鮮花同我哋合照。咁我同Claudia呢就會照單全收，比佢哋逐一抄牌，接受佢哋嘅祝福。

見到工作人員不斷地提示要清場，我哋出返去大學街嗰邊。呢個時候其他人基本上已經走到7788，得返我、Claudia、妹妹、Miki係到。

「你頭先做乜搞喊人地喎？」Claudia問我。

「想俾個驚喜你呀嘛！」我話。



「衰人，你咁樣會嚇親我㗎！但係我又鍾意喎嘻嘻！」Claudia話。

「阿哥、Claudia姐姐個Banner我同Miki整咗好耐啊，希望你哋鍾意啦！」妹妹好得戚咁講。

我同Claudia不禁地偷笑一下⋯⋯⋯覺得妹妹真係好有愛心。以前覺得妹妹把口好賤格，又經常俾佢恰，依家覺得佢真係一個好女仔，睇黎佢係Claudia身上學到好多嘢。

見而家個鐘已經到咗10點，於是我哋就去返停車場攞返架掃把佬，一齊返屋企。

喺車裏面，三個女人一個墟，係咁喺度雞啄唔斷咁講嘢。而Claudia同Miki不斷喺度教妹妹追男仔，搞到妹妹笑得好開心。我呢就當然要專心揸車啦！

返到屋企樓下，妹妹同Miki就上咗樓先，呢個時候，當然要同我心愛嘅女人獨處下。

「好啦我同Miki上去先啦，阿哥記得唔好去咁夜喎。」妹妹臨走前仲同我哋講。



「拜拜啦！」Miki話。

而家又得返我同Claudia喺度⋯⋯⋯

「佢哋兩個上咗去啦喎。」Claudia話。

「不如去遊車河囉。」我話。

「好啊。」Claudia話。