由O Camp組爸組媽變左做真正既夫妻: Chapter 93

Kevin Sir就帶我同Claudia走過DBS既校園，特別係殖民地既英式舊校舍同新建成既校舍，充滿左強烈既對比。而最令我特別留戀既就係學校既田徑跑道同籃球場，呢兩個地方就係我學生生涯灑出最多既汗水，差唔多日日無論返學放學都會去一去。

當然，除左籃球場同田徑跑道。最令我回憶深刻既就係Form 6既班房，呢個班房就係當年我，Steven同Michael，仲有成班同學一齊唱《大仆街》，去唱衰隔望精英班既一個「高分低能」既同學。搞到我地成班人比Kevin Sir記過。同埋記得Last Day嗰日，我地嗰班同學就係到摺紙飛機係到掟，又係到用大聲公係校園高唱《Hey，放假啦喂》，去串啲學弟繼續要返學，又叫班同學係件校服到簽名，不斷同每個老師合照。可能當時係老師同學弟們既眼中，我地係一班On9仔。但係我地心目中，呢啲事始終係一生人一次。所謂「人不MK，枉為少年」，如果再比我地返去既話，我地一定會做多一次，因為呢啲叫咩？叫「青春」，叫「回憶」囉。而Kevin Sir仲不斷爆我以前中學啲On9野比Claudia聽，搞到我比Claudia恥笑。

行到咁上下，Kevin Sir因為有事要辦。就由得我同Claudia自己行下，淨係叫我唔好搞到啲學弟就得。

「嘩原來你以前咁曳架？粗口爛舌都可以做到Prefect同學生會，上堂又係到攞水樽扮波棍。」Claudia係到恥笑。

「男人不嬲都粗口架啦，但對女朋友當然要溫柔體貼架啦！」我話。



「哼！算你啦，不枉我教得你咁好！」Claudia好得戚。

呢個時候，突然間有個籃球碌落我同Claudia到。我就知原來籃球校隊既同學係到訓練緊。而班學弟同教練見到我，就即刻停止晒所有既動作，係到同我擁抱。我心諗估唔到我畢左成三四年竟然仲有學弟認得我呢個大師兄，我望真啲個助教，屌佢老尾原來係Michael黎。而佢見到我同Claudia係到，當然係到奸笑啦！唔講唔知，原來Michael除左係校隊助教外，仲係DBS到做實習老師。

「屌你，做咩著住校服啊？」Michael問我。

「做返學生哥啊！」我話。

「嘩帶埋Claudia黎啊！」Michael話。



「咩啊？係我提議既！」Claudia係到串嘴。

「既然一場黎到，不如表演下呢？」Michael話。

「你見到我著到咁，點表演呢請問？」我係到串Michael。

「B，唔制啊！唔制啊！我要睇你打波！」Claudia嗲住我，扯住我手臂咁講。

「嗱阿嫂講架！唔關我事架。你唔係唔表演啊？」Michael係到偷笑。



被Claudia咁樣講一講，搞到我好想打返波，但係我驚陣間打到成身汗，搞到件校服臭晒，你知啦男仔最緊要係乾淨企理架嘛。（雖然學校有得沖涼姐）。呢個時候，有一對夫婦走黎我地面前，佢地因為係呢間學校相識，相愛，最係仲結埋婚有小朋友。冇錯啦，佢地就係我Form5同Form6既正、副班主任Tommy Sir同Miss Amber啦！呢對教師夫婦郎才女貌，記得佢地岩岩入黎我地學校教書嗰陣，佢地兩個就因為教學理念唔同而成日爭吵，但後來去到我地Grad Din嗰晚，我地成班同學散場後，離遠見到Tommy Sir拖住Miss Amber隻手，笑得好開心。而Tommy Sir係街到同Miss Amber濕吻，我地先知原來佢地兩個拍緊拖。而我地都好識做，冇炒禍佢地既好事。

到左我地畢左業後，我地班都有定期搞Garthering，每次我地都會邀請Tommy Sir同Miss Amber佢地出席，有一次佢地兩個突然間派紅色炸彈比我地，我地先恍然大悟。嗰一刻，我地先知原來食女Miss係男老師既專利。但佢地個都好識做，教書既時候會扮到唔識大家，但放學既時候就會變返做一對甜蜜既夫妻。

「Tommy Sir，Miss Amber！」我同Michael，仲有其他學弟係到打招呼。

「梁智勇同學，李德謙同學！你地兩個仲打波？」Miss Amber同Tommy Sir係到問。（李德謙係Michael既中文名）

「係啊！」我同Michael異口同聲地講。

「呢個咁既女同學肯定係梁智勇既賢內助呢？」Miss Amber好似柯南上身咁講。

「Hello 我叫Claudia啊！係Aaron女朋友黎。」Claudia就自我介紹。

「梁智勇，快啲打波啦，我都落埋場先！」Tommy Sir就係到話。



好彩，Michael佢地有多一件未著過既校隊籃球衫褲，而佢地既學弟都好識做，借對Nike Leborn James比我著，於是我就走去洗手間到換衫。我臨入去前叫Claudia可以同Miss Amber傾下計，取下教書既心得。

換好衫同熱身，我照照鏡子。覺得而家呢一刻就好似返去以前中學嗰陣賽D1既日子，嗰種熱血既感覺真係返晒黎。大家可能覺得我大學之後係咪仍然有打籃球？係咁既，我係Year 1嗰年係有打過HKU校隊，只係後來因為Winnie一事，加上讀Law又咁忙，所以我慢慢咁樣淡出左校隊，但我仍然都會跟操，Keep住打籃球，做Gym同跑步，務求令到自己可以減下壓，出身汗，保持身體健康就算。

出到黎，Claudia同Miss Amber係到傾得好開心，主要都係傾下教書既心得，扮靚靚。當Claudia見到我換好衫，就變左我個頭號Fans咁起哄。但呢一刻，我個心情難免有啲緊張，壓力大過以前賽D1學界嗰陣，點解？因為話晒第一次正正式式Claudia面前打波，難免緊張啲架啦！

「Woo！！梁智勇重出江湖啊！」Claudia係到大笑。

「嘻嘻！你唔好嫌我屎波就得啦！」我話。

「傻啦！有我係到，你會打得差？」Claudia好得戚咁講。

「點會呢？」我話。



「勇哥你得未啊？」Micheal顯得有啲唔耐煩。

「得啦！3打3啊？」我問。

「係啊，我，你，Tommy Sir一隊，元老對玩役隊員。」Michael話。

我地全部人就準備就緒，等緊呢場由元老隊對現役校隊既比賽。希望有好表現啦！