為了實現媽媽遺願，我成為了女校男生: 詩敏的回憶(2)

一入房，已經立即攬實家姐喊得好犀利
 
「詩敏，做咩事呀?」
 
「家姐呀……媽咪趕我走呀……我冇屋企返啦」
 
「契爺呢?」
 
「佢返左工，救我唔到呀…但係…今次daddy都唔會幫我架啦!!!」
 




「做咩事呀?話俾家姐知」
 
「我同個F.3嘅King屎仔…拍緊拖…俾媽咪見到…」
 
「妳做咩咁大膽呀!!但係就算妳拍拖，契媽應該都唔會打到妳咁架喎」
 
「佢…係街到摸我屁股…同埋摸我個胸….我冇反抗…仲對住佢笑…俾媽咪見到哂…所以頭先要我跪低扭耳仔再用雞毛掃打」
 
「妳傻左咩!!!妳明知契媽最緊張妳呢個獨生女，佢幾辛苦先陀到妳，仲有兩次差d冇左妳，妳而家搞d咁嘅野出黎，佢唔趕妳出門口就假啦」
 




「咁我點算呀家姐…我而家冇屋企返啦」
 
「契媽扔左妳幾多野出黎呀?」
 
「扔左我幾套衫…校服 …我所有書出黎…」
 
「詩敏呀…妳闖左個大禍啦，家姐都未必保得妳住」
 
「咁我點算呀…」
 




「妳係到住一排先啦，我同呢到保安好熟，佢地當睇妳唔到嘅，契媽今次真係好嬲，契爺都唔會幫妳架啦，聽日我同妳買幾套衫先啦，唔通妳一直著住校服咩」
 
「知道…」
 
「而家得我細佬救到妳架咋…妳一陣同佢坦白D交代，睇下佢肯唔肯幫妳啦」
 
「知道…」
 
「乖乖地，去洗面沖涼，著返件褸遮住D印先啦，我去問同學拎藥酒俾妳搽先啦」
 
「唔該家姐…」
 
當哥哥果晚打完波沖完涼返房，聽到有把好熟悉嘅聲音大叫
 
「痛呀!!!」




 
「唔咁摔妳唔會好、D瘀唔會散架傻妹!!!」
 
莫非家姐同人磨緊豆腐、摔碟玩SM?佢應該係咁諗掛
 
當佢一入到房果陣，就見到沖完涼嘅我，家姐就幫我摔緊藥酒