行山遇到三條女(少甜): 新同事篇3
第二朝起身,我就係到諗叫唔叫可嵐一齊返工好,但係第一感覺佢會已讀我,第二感覺場面會尷尬囉,所以就無叫到。
我就正常返工咁,今日都幾早返到下,所以就見到老闆娘同老細係度開舖。
我:「早晨,老細,老闆娘。」「早晨呀浩然」
老闆娘:「咁早既」
我:「早左起身咪早啲返囉。」
然後,我就自動自覺去抹枱,突然就有人拍一拍我膊頭。
係可嵐呀,但係佢今日面帶笑容,講「你就係浩然喇。」佢既笑容真係可人,眼睛在笑,連腮上的酒窩也在微笑。
但係咁奇怪既,就係浩然?「係呀,我就係浩然呀。」
佢就繼續講「你好呀,我叫yeri呀。」
無端端又講自己英文名俾我聽既。
可嵐成個人變得活潑可愛左好多,同尋日既冷淡高傲好唔同。又拉住我問左我好多問題。
我講「我去做野先啦。」
可嵐就講「你去邊到呀,我又去」
我入左廚房到做野,佢又跟住入黎,我切菜,佢又切,搞到老細狂咁望住我地,雖然好煩,但係有個靚女做跟尾狗都幾爽。
但老細既眼神好似就話我知要步佢朋友后塵咁。
有空檔既時候,我就問左問老闆娘「老闆娘,你覺唔覺呀可嵐感覺唔同左呀。」
老闆娘笑一笑就講「會唔會係你對人感覺唔同左咋,講笑,我都覺佢好似日日都唔同人咁,好情緒化,有時好熱情有時又好冷漠。」
我就講「係呀,我第二日見佢就feel到啦,明明尋日仲係閪我面,唔講住啦,做野先。」
然後忙完一輪,到左中午食飯既時候,可嵐仲夾餸俾我,話「浩然哥哥,你食多啲呀。」
我就好疑惑咁望住佢講「哥哥?你大我三年喎」
佢聽到之後就好似唔知點咁「唔係呀,我唔小心講錯左咋。」
之後,大家都無理到,都係自己係到食飯。
不得不說,可嵐既活潑好動真係吸引到好多客,係點餐既時候,有啲客本來想叫可嵐黎,但我黎左之後就黑尻我面。
嗰個親和力真係搞到啲客心喐喐,狂想攞佢電話。
但係今日佢又好似唔識收銀咁,叫佢找錢,又找錯哂,但啲客冧佢,就都無唔耐煩,仲提佢找錯左。
我係間店既作用真係零呀。
然後,我地食晚飯既時候,可嵐又不停咁捉住我講野,由現況講到未來人生,真係咩都傾到。
之後,我地就放工一齊返黃大仙。
我就問佢「你尋日同今日真係好唔同。」
佢就拖拖拉拉咁講「係...咩」
我就繼續問「你仲咩尋日咁少野講既」
佢就繼續好似有野隱瞞咁講「我...可能尋日同你未熟呀。」「哦....」
無幾耐就到左黃大仙,佢就講「拜拜啦浩然,唔知幾時有得再見啦。」
我就笑一笑,「你想見咪見囉,約我囉。」當然就無講啦,我有女朋友×2啦。我淨係講左句「拜拜」咋。
不過可嵐依個人真係奇奇怪怪咁。