《我喺連「興趣」都冇嘅極權國家生活咗廿年，直到遇見妳》: 第六十五章

「根住專校畢業嗰日開始，佢就唔理我，佢完全當我係透明。」
「點解咁突然？」
「我個陣完全唔知，但依家我估因為當時嘅我對佢已經冇晒價值。」
「咁佢唔理你之後點，你哋明明一齊係聞局做野。」
「佢一直都痴實總編，可能因為個陣大家都以為總編會係下任局長，而唔係我。佢當時甚至調職左去做佢嘅秘書。直到我做左局長，登左報揾局長夫人，佢報左名，所以我先再見番佢。」
「咁你哋個陣係點樣。」
「就係佢用盡所有方法希望我可以原諒佢。」
而我知道這部份的細節無論如何都不能直說，所以只能刪走中間的一些小情節，永遠都不能讓銀欣知道。
「咁佢用左啲咩方法。」
「都係不斷求我囉。」




「冇其他？」
「冇啦，你仲想點。」
「就係咁多？冇野瞞住我？咁你個心入面仲有冇佢？」
「冇野瞞住你啦，我要講都講晒。至於心入面仲有冇佢，唔可以完全話冇嘅…」
我的背部馬上再受一下重擊。
「點解佢對你咁，明明只係一直利用你，你都仲會對佢有小小留戀？」
「咁佢係第一個會心我嘅女仔，同時都係我第一個鐘意嘅女仔，雖然之後知道佢一直只係利用我，但我始終曾經鐘意佢，呢啲情感唔係話刪除就可以刪除。」
「但係…」
「你等我講埋先啦，最後我都揀左你啦。始終我都識左佢幾年，都係我曾經鐘意過嘅人，點會話忘記就忘記，但我相信有左你之後，我好快就唔記得佢。」
然後，我就走上前，親擁著她。




「好啦，算你啦。」
我們再打鬧了一番，便前往創新局局的家。