那一天，有女仔嚟咗男校讀書(外傳)(少少甜): 第一章:幸運兒

今日係阿明嘅大日子，因為佢將會去女校讀一年書!
首先介紹一下阿明先，佢全名係何大明，一個極其普通嘅名，佢平時喺學校嘅成績已經好差，加上佢係一超級宅男，但阿明勝在夠靚仔，而且人緣夠好，所以班男仔都鍾意同佢玩。佢本身喺一間男校就讀，點知xx女書院同阿明間學校實行咗一個為期一年嘅交換生計畫，以每班將會抽籤派出一位男學生去xx女書院，而阿明，就係嗰一個幸運兒。
今日阿明提早一個鐘頭起身，就係為咗今日去女校讀書嘅大日子作準備，阿明刷咗好幾次牙，以防口臭嚇走哂班女同學，梳靚個頭，食個包，就提前出咗門口。
因為好耐冇同一大班女仔相處，所以阿明難免有啲緊張，搭巴士返學校嘅時侯更加有肚痛嘅感覺，好彩冇瀨到，但係阿明已經好驚一陣會喺班女仔面前出醜...

返到學校，有老師帶阿明去2D班嘅班房，睇嚟今年全年都會喺2D班度過校園生活。

一返到班房，估唔到已經有幾個女仔返咗嚟，阿明望一望嗰幾個女仔，並心諗:咦?呢幾個女仔都幾靚喎，我真係好彩。
老師分配咗佢去其中一個女仔隔離坐。
「Hi!我叫阿明，你呢?」阿明打破沈默，並問佢隔離嘅女仔




「叫我阿喬得㗎喇，係呢，你平時鍾意做咩㗎?」
「打下機同打下乒乓波囉!」
「咁啱嘅?我都係鍾意打機喎!」
阿明心諗:估唔到阿喬都幾nice喎，而且又鍾意打機添。

(待續...)


正傳:
https://www.shikoto.com/articles/202729.html