我娶左個台妹做我老婆啊！: Chapter 43

嘉欣就拉咗我返去宴會廳嗰邊，入咗去其中一間房嗰度坐低左。全程我都冇出過聲，任由嘉欣來懲罰。見到而家嘉欣回復返佢既笑容，我都放心晒。只係佢頭先咁惡幫我趕走Jane，又摑左我N巴掌，嚇親下姐。我諗而家除左媽咪之外，嘉欣就係唯一一個可以治到我既女人。   

「痛唔痛啊？」嘉欣問我。

「冇事啦，少少野冇事既。」我話。 

「Sorry啊，頭先出手重左，搞到你咁痛。同埋係到自把自為，你唔會嬲我架可？ 」嘉欣問。 

「傻啦，話時話你真係幾好戲架喎，可以攞最佳女主角。仲話有左我個B，哈哈！」我笑住咁講。





「屌你啦！我唔話你，你係到話返我，打得少啊。」我又比嘉欣串，然後佢就輕輕咁樣拍我個頭一下。

「要你為左我係到喊，太自私啦！我應承會對你好啲，唔會俾你再受到任何嘅傷害！」我抱擁著嘉欣咁講。

「你知就好啦！所以你以後要對我好啲啦！嗱而家欣欣姐姐幫你止血先啦！賢賢要乖乖！」嘉欣好溫柔咁講。

嘉欣就幫我用消毒膠布幫我止血，清洗個傷口，見佢啲手勢好似唔錯，好似女護士咁專業。我凝望住嘉欣既臉龐，見到佢個樣真係好可愛，而佢亦都停止左幫我包紮，不斷用佢閃亮嘅眼神凝望著我，自己不斷地對我甜笑，呼吸變得好急促。嘉欣雙眼好似識放電咁，不斷咁向我發出訊號。

我地兩個之間既距離愈控愈近⋯⋯⋯而我隻手都好唔規矩咁樣摸嘉欣既瀏海。 





「喂啊，做咩摸人地啊？人地都冇話同你咩。」嘉欣怕怕醜醜咁講。 

「我鐘意啊，吹咩！」我話。

「你再係咁曳曳，我就唔同你整架啦。」嘉欣扮老師嘅口吻同我講嘢。

我同嘉欣就係到玩，突然間Andy佢地就入晒黎，大家見到我同嘉欣孤男寡女共處一室，肯定諗緊我同嘉欣係咪扑野。喂喂喂你地擔心下今晚既主角Samuel同Rosita好過啦，兩個黎三個走啊！ 

但令我驚喜既係，原來嘉欣同大家夾手夾腳，係到自編自導自演做一場大戲，趕走Jane個死八婆。嘉欣仲扮埋我現任女友，話佢自己比我搞大左個肚，叫Jane唔好再纏住我。講真，頭先一開始嘉欣對我打罵，佢嗰種兇狠既眼神搞到我都嚇親，同埋⋯⋯見到佢為左我而傷心，我真係好內疚。 而家見到嘉欣變返一個開心快樂既小天使，我就開心返晒。 





過左一陣，Rosita班姊妹通知左我原來Jane已經走左，真係唔講唔知，原來Jane係CX裡面個朵已經臭晒，收兵唔再講，仲要周圍食仔拆散情侶。好多機師因為被佢搞到雞毛鴨血，人唔似人鬼唔似鬼。而家佢基本上除左幾個Bitch空姐同佢Friend之外，其他空姐包括Rosita佢地都好唔鐘意佢， 形容佢係一個「飛雞」。我心諗點解呢個女人可以咁賤格，好彩當初係我同佢提出講分手。 點解Rosita會請Jane黎，只不過係當初因為大家係同期入職，一齊受訓，所以先請佢黎飲既姐。 

見差唔多夠鐘入席，我地就要入去就座，當然Rosita同Samuel都好識做，安排嘉欣同我一齊坐。我地成班人係到有講有笑，仲話嘉欣可以轉行做導演同演員。點解？因為頭先嗰場戲係嘉欣做主導，其他人只係配合。

呢一刻，全場燈光都調暗，而今晚既MC就係Jay同佢女友Jasmine，講返Jasmine，佢係Rosita既中學同學兼好姊妹，後來佢就考左入海關識左Jay，記得佢地兩個岩岩識嗰陣，幾乎每一日都好似冤家咁樣嘈交，後來因為有一次嘅訓練之中，Jay就英雄救美咁樣救左Jasmine一命。自此之後佢哋兩個就一齊咗，我諗好快就要做人情俾佢啦。

Jay同講完開場白之後，音響同燈光就射係今晚嘅主角Rosita身上，Rosita係佢爸爸帶領之下，慢慢咁樣走上台階。而係台階中央，新郎Samuel已經企咗喺度，迎接佢妻子嘅來臨。