我娶左個台妹做我老婆啊！: Chapter 55

經過一個早上，嘉欣已經由我既同屋密友、同事、青梅竹馬正式成為我女朋友。

我就輕輕地牽著嘉欣隻右手，眼尾偷望著嘉欣甜笑，佢呢個笑容，我永遠都會記得。唔知⋯⋯佢係咪因為我既表白而變得開心呢？

「喂⋯⋯我地而家On緊Duty架！低調啲啦！」嘉欣怕怕羞羞地講。

「怕咩姐，你而家係我架啦！我呢世都唔放啦！」我話。

「怕左你啦！Baby！咪住？我杯Cafe呢？」嘉欣話。





「仲掛住杯Cafe，轉頭再買過杯啦！行快啲啦，Jeff佢地等緊我地架！」我話。

「你有冇搞錯啊？咁快就唱通街？很丟臉唷！」嘉欣話。

「咁仲唔快啲行！我地再唔返去呢，就要收信架啦！到時你要養我架啦！」我話。

「慳啲啦！不過行啦！」嘉欣話。

我同嘉欣手拖手，無視其他人既目光，大搖大擺地走返入機場同我地既Office。我就表現得淡定，但嘉欣依然怕怕羞羞，呼吸好急促，靠著我背後。我就不停叫佢定啲黎。





一入到去Office，竟然方圓十里都冇人係到？？明明呢個Office係無間斷24小時運作架嘛？？實在不思費解。我覺得Jeff佢地相當可疑。

當我同嘉欣諗到入神嗰陣，突然間有人向我地噴彩帶，傳來一陣歡呼聲。我先知原來Jeff、我地同幾個其他Dept既同事為我同嘉欣搞既Suprise！

「恭喜盧生盧太！！！」眾人歡呼。

「咩盧太？？」嘉欣黑人問號。

「Ally你咪就係盧太啦！你知唔知你老公聽到我要出信，佢即刻有理冇理衝出黎搵你。你感動不？」Jeff話。





「老板唔好踢爆我啦！」我驚青地講。

「Leslie哥，原來⋯⋯你同Ally姐姐收收埋埋，我地就知你鐘意人啦，開心呢？」Mandy話。

「好開心⋯⋯我真係唔知講咩好⋯⋯咁我希望大家為左我，唔好為難Ally⋯⋯多謝⋯⋯多謝你地！」我話。

「放心啦！有你睇住我，咩都唔怕。如果日後我咩做錯既話多多包函！」嘉欣話。

「好啦！我地快啲食蛋糕，慶祝Leslie同Ally有好既開始，白頭到老、永結同心。記得啊結婚請飲啊！食完快啲開工啦！」Jeff話。

呢個時候，我地OPS既Director Yvonne無啦啦走入黎，搞到成個氣氛轉變得快。大家都自動自覺地做野，講返呢個Director，雖然外表、做事方面都好Strict既女強人，但係都對我地好好及照顧著我地。（特別係對我，因為佢同舅父、爹地媽咪佢地好熟，之前我因為佢既幫忙先可以入黎Intern做到而家）

「嘩，你地搞咩啊？當呢到係遊樂場啊？」Yvonne向我地訓示。

「Sorry啊Yvonne，我而家叫佢地整返好佢啊！」Jeff向Yvonne道歉，示意我地清場。





「係咪Leslie同Ally拍拖呢？全個機場都知啦！你地兩個啊，返工時間係到拍拖。不過Leslie你係大庭廣眾之下同Ally表白，雖然係唔岩規矩，但你你做左一個男人要做既責任，阿姐服你！既然咁樣，我就批准玩大佢！而家我頒布行政命令，如果邊個敢蝦Ally既話，即炒！」Yvonne話我同嘉欣。

我同嘉欣都忍唔住係到笑。覺得老闆、同事真係好好人。知道我頭先大庭廣眾向嘉欣表白，做返男人應該要做既責任，趕走左阿Jane呢個8婆。可能係好多人既心目中，我太過感情用事、衝動、公私不分，但係⋯⋯而家我知道咁做，先係正確既選擇。