［打鬥/靈幻/鬼怪］《輪迴。道》/《噬魂》我由古惑仔變咗做現代道士: 399《第二季》

「兩隻鬼將級….應該都都唔會好勁啊，同時灌入強大力量…」葉靈聽完後也在消化

「嘻嘻…」車廂裏突然出現竊笑聲

笑聲是來自於司機

「師傅，你笑啊？」坐在後座的英叔靠前問他

「唔好意思，哈哈，我唔係有心…哈…但啊生你都係睇少啲戲啦，睇到就嚟傻㗎啦你，鬼鬼鬼，邊有咁多鬼㗎～有嘅話又唔見我見到」似乎司機是聽到英叔剛才的話後，覺得英叔看電影看上腦





「哦～咁樣」英叔點點頭

葉靈看英叔的反應，知道他在想什麼，馬上用手捉一捉英叔，然後搖頭

英叔把葉靈的手拿開，然後從工具袋拿出一張符紙

「有請善靈童臨駕，請」英叔右手伸出雙指在符紙上畫了個圈，然後把符紙攝到座椅與座椅之間的罅隙

「英叔….」葉靈望著英叔





「得啦，冇事」英叔拍拍葉靈的手

「師傅～依到係我張卡片～我歡迎你有咩事即刻打比我～我唔收你錢又點話啊～」英叔把自己的卡片放在副駕駛的位，不阻礙司機開車

「咩嚟㗎」司機眼尾瞄一瞄英叔的卡片

卡片上寫著

「





北門正宗驅魔道長

張英師傅

電話：9661 1669

」

「哦～原來係大師～依家出嚟搵食真係艱難啊」司機偷笑搖頭，明顯還是不信英叔

「嗱，你地到啦～大師」

不知不覺英叔他們已到達殮房門外

「司機、我地有緣再見」英叔下車前搭一搭司機的肩膀





「再見啦～大師，記得捉多記幾隻鬼啊」

計程車駛遠

「英叔啊，你做咩整蠱人啊」葉靈馬上問

「哎呀～冇事㗎！我請嘅係善靈童，佢地會知分寸，唔會玩出禍㗎！我地快啲入去啦，要救你九叔啊」


而時間先回到五分鐘前….

「你地留係到等英叔到，我入去幫九叔先」王奇跟我和啊仁說

「但你入到去？我聽到九叔好似封咗對門」啊仁說





「入到，九叔叫得英叔嚟，即係預咗有人會入去，佢只係封咗唔比任何靈體出入」王奇解釋

王奇把手放在冷藏室的門上

「結印，解」

然後，王奇便打開了冷藏室的門，淡紅色的薄霧依然還在，但也令我偷看到裏面的景象

「嗄….嗄…奇？」九叔已戰鬥得氣喘吁吁，手上的金錢劍已變得破爛，銅錢都已掉了幾個，衣服也撕開了好幾個大洞，臉上更日有幾處瘀傷

「我嚟幫手」王奇從腰間掛著的一個小盒拉出一條紅線，他將紅線的兩頭分別的纏在左右手，然後便衝入冷藏室

砰！





冷藏室的門再次關上….


「我地兩個….好冇用….」我看著跟我一樣只能站在原地的啊仁

「我都覺….」啊仁跟我一樣無奈

「𡃁仔！仁仔！」

是英叔的聲音！！

「英叔！你終於都到啦！！」啊仁聽到英叔的聲音十分感動

我轉頭一看，葉靈也在，我跟她點一點頭，她也回我一下





「咩環境！？」英叔問我們

「九叔係入面十幾分鐘㗎啦」啊仁說

「王奇啱啱入咗去幫手」我補充

「啊奇？連埋啊奇….妹頭…你地兩個…」英叔突然陷入沉思

「英叔…？」啊仁叫一叫他

「嗯！」英叔突然又抬頭

嚇了啊仁一跳

「你兩個對自己依幾個月嘅進度有冇信心？」英叔問我們

「下？….呃」啊仁猶豫

「有！」我堅定的回答

「咁我都有！」啊仁見我這麼堅定，也跟著回答

「好！」英叔搭著我們二人

「妹頭，捆仙索！」

「英叔…佢地道行未夠」葉靈對英叔的決定有點猶豫疑

「冇辦法啦㗎啦！都要試下㗎啦！」英叔搶過葉靈手上的捆仙索