打機射喪屍係會報應㗎…(改咗名): 一覺瞓醒，變咗喪屍……

「哎呀…」我慢慢起返身，個腦一片混亂，而且全身依然有啲唔舒服。
「到底發生咩事呀？」我起返身， 望看周圍嘅一切。樓宇有啲崩塌，有啲荒廢， 不過地震過後可以保住咁多實在奇蹟。
突然，我望向一塊碎咗嘅玻璃， 佢影照出嚟嘅倒影係我呢一生人最震驚嘅事物！
我…我…嘅膚色變咗做灰色……仲好蒼白………皮膚上仲有啲好似青筋咁嘅紋理……食指變咗做一隻修長嘅利爪……
冇錯， 我變咗做隻怪物──── 準確嚟講係一隻喪屍！
我唔肯相信呢個事實，我不斷新嘅利爪刮傷自己，鮮血喺傷口流出。隻利爪係真嘅，我變成喪屍嘅事實都係。
最後，我無奈大叫:「呢個世界係唔係痴線㗎！」
「吼吼吼吼吼吼吼吼吼吼！」
唔知有啲咩嘢以野獸一般嘅吼叫聲回應我，我擰轉頭一望嚇到我心都飛埋出嚟！
一群大約三十幾隻嘅怪物對住我咆哮。佢吔約莫一個人高， 膚色偏白，而且帶紅(有啲似生雞肉)，四肢修長，用四隻腳行，無眼睛，並且有對蝙蝠耳朵。前肢同後肢帶有薄膜，薄膜好似鼯鼠咁不過細啲。




「吼吼吼吼吼吼吼吼吼吼！」
佢哋後面突然之間有隻更大嘅怪物跑咗出嚟，佢嗰樣、膚色同其他細嘅差唔多，不過身形更加似人，似大猩猩，一樣有薄膜，全身肌肉比健身室壯漢更粗大，身高大約有四米。 不過比佢地恐怖嘅外貌更加恐怖嘅係佢哋正追緊我！
「救命呀！」
我邊跑邊大叫希望有人，聽到我嘅求救聲，可惜完全冇。不過， 我突然發現咗一樣，嘢嗰班怪物嘅速度，同我聲線嘅大小係成正比㗎。 我跑咗入一個地鐵站出口，咩聲都冇出過。
「Yes，得咗！」
嗰間怪物果然冇再追上嚟。
「 崩！」
幣！ 我一捉住個扶手佢即刻跌咗落嚟！
「吼！」
怪物已經到上嚟啦………




「吼~~~~~~」
一群馬騮同嗰班怪物對陣，雖然話佢哋係馬騮，不過其實已經有一米幾高，成排牙又大又尖，全身白毛，帶頭嗰六、七隻甚至有一米八，雙手仲係一對利爪。
兩群野獸對住對方叫囂，好快就互相廝殺，我就企埋一邊靜靜哋食花生。
我發現咗一樣有趣嘅嘢，嗰班兩米高嘅馬騮很少用利爪攻擊，反而會對住班怪物吼叫。 而被吼叫嘅怪物就好似受傷咗咁樣。
「吼吼吼吼吼吼吼吼吼吼~」
一隻4米高嘅馬騮正飛快咁爬過嚟， 佢全身嘅係鱗片而唔係白毛 ，除咗原本嘅利爪膊頭生咗一對巨型嘅爪用嚟爬行，叫聲極其響亮。而佢，正衝向戰場！