「輕粵文小說」《新世代魔法界異聞錄》: 新秩序第四章 法鬥？傳說中嘅魔法戰鬥！

只係第一下，嗰個後生仔就已經比自己嘅魔法所反噬咗，變咗自己唞唔到氣。「你居然中傷我嘅身體？格雷希亞拉波斯！」後生仔即刻命令後面嘅靈體邁向陳艾迪。

「嗱！首先呢係你自己反噬嘅啫⋯⋯」艾迪轉身嘅時候就即刻起步掉頭跑，跑去中間嘅聖壇，雖然佢都係跑唔過果一隻召喚嘅惡魔，身體亦都越嚟越重，但好彩佢係最後一口氣終於觸碰到聖壇嘅枱面，手上嘅魔法陣亦都隨即準備啟動，就等艾迪嘅一句咒語。

「寰宇之守護，八星連結，六芒⋯⋯」講到一半艾迪就感覺自己個頭痛不欲生，隨後暈低咗喺聖壇前面，但同時喺電梯口嘅後生仔亦都因為第二波嘅反噬而令到佢跪低咗係地面，最後一個手刀劈到佢暈咗。

「有冇搞錯呀！喺度亂咁放惡魔出嚟，呢度有聖壇嘅話，白魔法嘅高級防禦令到佢本身使用黑魔法嘅反噬效果加強⋯⋯」馬先生原來就係啱啱用手刀劈暈咗單當家嘅嗰個人，血色嘅靈體係聖壇周圍行嚟行去始終喺度消磨聖壇嘅能量，佢一個眼神，背後呈金色嘅靈體立即去到艾迪嘅身邊，亦都令名為格雷希亞拉波斯嘅惡魔返去單當家身上嘅契約書。

「先唔講本身會唔會失效，喪用嘅話自己個靈魂同埋壽命會直接賣咗俾隻惡魔，呢個點都唔會係本部嘅教法⋯⋯」佢一直喺度分析究竟對方嘅魔法係咩料，雖然幾年前都見過呢位後生仔㗎啦，但估唔到佢而家會變咗會出賣靈魂比惡魔嘅魔法師。





「呢個就係喺辦公處用黑魔法嘅效果⋯⋯」佢同啱啱好醒返新嚟嘅接待處女同事講之後就話：「將單當家抬到艾當家嘅辦公室呀唔該晒！」隨後女同事就叫咗幾個男嘅同事搬走單當家。

望住暈低咗嘅艾迪，馬先生嘆咗一口氣：「學術未精居然夠膽喺度法鬥⋯⋯不過我都估唔到你居然可以捱得咁耐， 格雷希亞拉波斯，七十二柱魔神第廿五位，先唔講佢點解可以召喚到咁勁嘅惡魔，普通人只係俾佢靠近都會頭痛到痛不欲生甚至會有自殺傾向，但艾迪居然可以撐咁耐而且仲可以存有理智咁樣使用白魔法同埋聖壇嘅能量進行反擊。」

馬先生就上咗次睇咗一睇艾迪手套下面隻手所露出嘅法陣，同埋諗返起啱啱佢所講嘅咒語得出咗一個結論：「呢個白魔法⋯⋯」

經歷左格雷希亞拉波斯嘅折磨之後，艾迪終於從「地獄」裏面返嚟，喺夢裏面，殺人同被殺嘅畫面不停出現，而且度日如年，驚醒就變成左一種解脫。

「醒左啦？」馬先生遞左一杯加左吾同花草嘅花茶比艾迪，終於破解左佢受格雷希亞拉波斯嘅影響。





「呢個係？」混混沌沌嘅陳艾迪就算醒左一陣都追求有關白魔法嘅知識。「哈哈！你下一堂草藥魔法先學呢個，中藥嘅角度嚟講呢款花茶有安神同安眠作用，但加左啲咒語同進行左啲儀式，效果強啲⋯⋯」艾迪邊聽馬先生講邊望住花茶同邊回憶啱啱嘅夢。

「不如你先講你個咒⋯⋯」馬先生講到一半嘅時候艾迪就望住花茶就話：「你之前咪問左我一個問題嘅？二揀一嗰個⋯⋯」

「係呀！」馬先生答返佢，雖然佢唔知道點解艾迪突然之間要講返起呢樣野，艾迪繼續講：「基本上會出現到你之前所講嘅情況一定係黑魔法嘅影響⋯⋯」

「咁如果⋯⋯」馬先生打算繼續問但係艾迪繼續回答：「咁咪用更加勁嘅白魔法咪得囉，之前你係能量學嗰邊講過話能量可以無止境咁樣疊加，之後將修練嘅方法推廣出去，等更多人都可以向善，咁就唔會出現你所講嘅情況啦！」

聽到艾迪答左如此耿直而且直接嘅回答，佢笑住咁樣回答話：「哈哈！果然有聽書呀！」但其實呢個答案佢一直都冇教過任何人，甚至自己都對此保持一個「錯誤」嘅答案。





另一方面，審問室嘅艾當家一桶水潑向單當家：「單當家，係本部咪幾好囉！係咩風吹你過嚟啊？」