我倆的緣份，於半世紀前已經開始: 海邊的坦白

「妳同佢….kiss左呀?」
 
「嗯….」我好怕羞咁點左頭
 
「真係架沙律!?」
 
「嗯….點算呀?我同佢差唔多成個星期冇講過野啦」
 
不愧係我d好姊妹，佢地聽到之後就開心到大叫
 


佢地興奮程度不下於中六合彩頭獎、中3T咁樣
 
「喂呀!!!妳地唔好咁興奮住啦!!!咁而家佢即係算咩喎!!!錫完我就算呀?」
 
「沙律呀!!!!佢已經用行動話俾妳知佢鍾意妳啦!!!」
 
「佢...佢都冇講…」
 
「沙律呀!有時D野係唔洗講架，就好似肥鴿同校草咁，佢地已經偷偷地拖左手啦」
 


「下!!!真係架!?」
 
「係呀，果一晚我同校草行行下，就拖左手啦」
 
「咁….咁我點呀….」
 
「今日呢…妳乖乖地返圖書館溫書，然後就同佢一齊返屋企啦」
 
「真係?」
 


「信我地啦」
 
於是，我又再一次落圖書館溫書
 
我地去到圖書館，已經見到佢地幾個queen屎仔坐埋一齊，瘋狂操卷
 
而哥哥隔離，就有Winnie坐左係到
 
哥哥一如以往，都係到同Winnie傾緊功課
 
不甘心嘅眼淚又一次流出黎
 
「沙律…唔好喊住先啦，佢地傾功課咋」
 
今次我連兩個姊妹說話都唔想聽，眼淚一滴滴咁流出黎


 
我用手抹一抹眼淚
 
「溫書啦….我唔想理佢地」
 
溫書期間，哥哥唔止教Winnie，仲有教其他同學，唯獨佢冇理我呢個妹妹
 
所以我溫左一陣，就決定執野返屋企
 
「我走先啦」
 
「沙律!?妳走先?」
 
「我唔想….再見到…」
 


我自己走左出圖書館，一個人自己搭地鐵返屋企，去到屋企樓下，有個人一手拉走左我埋一邊
 
當時已經天黑，我地兩個就咁企係海邊對望
 
「你做咩呀!!你…你…你去搵Winnie咪得囉!!!」
 
「妳…都成個星期冇搵我呀…」
 
「我…我係女仔黎架!!!我係男仔頭之嘛!!唔通要我開口先咩!!!」
 
「但係點解妳唔搵我?」
 
「你..你係咩意思呀?我地兩兄妹黎架嘛!!!你點會…你點會鍾意自己個妹架!!亂倫咩!」
 
「我地邊係兩兄妹?」


 
「總之…..我地由細到大都係兩兄妹…..我唔想…..婆婆同媽咪已經….」
 
哥哥企係到唔講野，我d眼淚又慢慢流出黎