是咁的，我同女神做咗鄰居: 198.

搭完摩天輪後我便跟啊童一起回家了。

 「叮」我的電話彈出通知。

 Mr Wong:各位同學，嚟緊個星期五晚就係我地BBQ既日子啦，五點鐘係學校集合。隨咗班會成員之外，希望大家都可以幫手買下嘢，多謝大家既幫忙。 

係度容許我解釋一下發生咩事，我地學校每班每年都會係學校既操場到BBQ一次，

日子就自己班決定，

不過一定要係星期五晚。

 咁每班都要交三個日子上去，

之後再抽籤決定其中一個，

通常大家都揀十二月至三月，因為夠涼，

而我地點解會揀四月呢？

因為我地班遲交呀DLLM，

啲期比人搶晒，結果咪搞到要大熱天時嚟燒野食囉。

 你問有幾熱？

無嘅，我check過天文台，

最熱都係廿八度啫…諗起都覺得熱呀！





 我屌，究竟係邊條L樣遲交份表呀！！！

 唔好意思其實就係我，如果大家仲記得既話其實我係男班長嚟。 

不過呢個唔係重點，重點係我真係唔係好想個日燒嘢食。

 「咦係喎，我地嚟緊個星期五燒嘢食喎。」啊童看了看自己的電話。 

「唉諗起都覺得熱呀，我睇過個日個天氣呀，熱L到仆街呀！」我激動地說。 

「咁你咪唔好燒囉，又冇人迫你燒嘅。」

 「但係交咗錢啦嘛，又冇理由唔燒㗎嘛，好似好傻仔咁。」 

「你真係麻煩。」啊童反了反白眼。





 「Sorry囉，咁真係好熱吖嘛。」 

「唔知係邊個遲交份表呢可~」

 「超，一時唔記得咋嘛，你估我想㗎咩？」 

「果然你真係唔可信，諗住比啲野你做啦，點知你就遲交。」 

「Sor囉，下次唔會。」

 「唉算，你諗下我地負責買咩好過啦。」 

「買啲簡單啲既野？」 





「例如呢？」

 「幫手買下手套呀餐具呀個啲咪算。」 

「唉咁一係你買手套我買叉喇。」 

「好呀，我覆㗎啦。」我說。

 「好呀。」

 咁我地就輕鬆搞掂咗一個問題，

買完啲嘢，求L其燒幾塊包填飽咗個肚，

出去打波睇下夜景算，





 我有冇講過我間學校睇到夜景？

 之後班會其他成員各自講低自己會負責買啲咩，

有啲熱心既同學都會主動出聲幫手買野。 

基本上呢個每年一度既燒野食環節係每班既大事，

除咗旅行之外，呢個就係我地少有既班際活動，

所以大家都好重視。

 買套？用個日先買啦。





 到咗第二日，我都想啊童出去拍拖，

尤其係知道咗自己同佢剩低可以相處既時間唔多，

 不過好可惜比佢一下拒絕咗，因為佢話要同Suki出街。

 我屌，重友輕色。

 咁無辦法啦，我又唔想痴住佢地出街，

費事淪為佢地既啊四。 所以我全日都係度打機。



跪求大家Follow我既IG: MaanYin05