屋企突然多咗個唔識嘅人: 拾柒

(阿賢視角)

禮拜一 08:13 班房

阿廣:嘩，咸書？

我:咩咸書呀仆街？

阿華:嘩！咁識食呀。



阿衣:正！

阿丸:龍虎豹？

到底係邊條仆街無啦啦走嚟擺本咸書喺我個櫃桶度，實揼柒佢。

阿廣、阿華:你真識食！

阿丸:不如借畀我哋睇？



我:你鍾意咪攞去。

阿廣、阿華、阿衣、阿丸:多鳩謝。

0820

「何忠廣，上堂無啦啦睇乜書呀，攞出嚟。」Mr Mak 嗌阿廣。

阿廣:哦...



佢手上本書係... 龍... Holy shit!

Mr Mak:細細個就學人睇咸書。陣間你同我落嚟。

阿廣:其實...本嘢...係張志賢㗎！

Mr Mak:張志賢陣間都跟我落嚟。

淨低嗰三條友報以恥笑嘅眼神望住我哋。

今鋪真係濕滯。Mr Mak仲要好似係訓導嚟。

就咁，呢3節135分鐘，我保證，絕對係我上過最唔開心嘅數學堂。

小息



Mr Mak:張志賢，你知唔知帶不適合嘅嘢嚟學校....... 我而家記一個大過同埋要打電話俾家長。

完全哭撚咗... 唯有填阿恆個電話冧把落去扮住係我老豆先。希望佢識do啦...

1045 班房

阿華、阿丸:點呀點呀。

我:俾人記撚咗個大過呀呀呀呀呀呀！

阿衣:陰鳩公。阿廣呢咁？

我:佢一返到嚟班房首先我要打柒佢。



之後嗰啲堂都好似個人唔喺度咁，完全冇聽過書，仲有一個quiz完全冇寫過任何嘢。我真係屌擺嗰本咸書喺櫃桶嗰個人個老母。搞到我畀Mr Mak記咗個大過。

--------------------------------------------------------

(阿恆視角)

「Goodbye Mr Mak。」都唔知點解今日上麥sir嘅數學堂特別精神，上晝嗰兩個鐘都喺度聽麥sir講書，都唔知點撚解。可能佢係阿兒嘅「偶像」？可能麥sir真係太靚仔？不過應該都唔係。我好似知道點解，可能我一直喺度FF阿賢俾人捉佢睇咸書啩。

阿德:喂做咩陰陰嘴笑呀？痴咗線呀？

阿智:可能佢又FF上腦啦。

我:我幾時忽上腦呀，諗到啲好笑嘢咋嘛。

阿智:有幾好笑呀？



我:突然有啲急尿，去一去廁所先。

頭先真係好撚尷。

5分鐘後

阿德、阿智:喂你後面有啲綠色嘢呀。

我:俾你昆過仲唔知死咩。

阿智:醒目。

我只係想知道阿賢有冇畀人捉。



1315

我:有電話入，我去個廁所先。喺校門等我。

阿智:ok。

我:喂？

對方:我係XXXXX中學嘅麥XX老師，請問你係咪張志賢個爸爸？

唔通整蠱成功？

我:係嘅。

對方:你個仔今日帶成人雜誌返學校不特止，仲要分享俾人哋睇。

我:係。

對方:你個仔已經記咗個大過，希望你可以檢一查下佢書包同佢間房有冇成人物品，有嘅dum咗佢。

我:我會check㗎喇。唔該曬。

阿賢，你都有今日呀。終於將之前佢上阿兒身仲有用阿兒嘅身體瞓咗一晚，再顏射我部電腦報咗仇。

出廁所嗰陣無啦啦俾麥sir叫住咗。

麥sir:跟一跟我落嚟。

屌，啲朋友仲喺度等緊我㗎。

教員室出面。

麥sir:你頭先係咪整蠱XXXXX中學嘅張志賢嚟。

我即刻R撚曬頭，麥sir邊可能會知道啲三唔識七嘅人個名。

麥sir無啦啦好似失哂憶咁:你喺度做乜呀。

我:你頭先唔係叫我落嚟㗎咩。

麥sir:可能我搞錯咗。

屌，即刻衝返去搵阿智同阿德先。

1505 屋企

我:點呀？記咗個大過喎。

阿賢:咪就因為你囉，俾訓導記咗個大過呀。

我:你點知的。

阿賢:無啦啦邊有可能會有本咸書喺櫃桶度，唔係你仲有邊個。

跟住我就俾阿賢打咗幾拳。

我:邊有人中學無缺點無過㗎。

阿賢:驚影響升大學呀，柒頭。

我:你都戇鳩鳩，你唔係以為大學會睇你細嗰啲操行㗎嘛。

阿賢:屌，而家想返房安慰下自己心靈。

跟住佢就返咗入房。