屋企突然多咗個唔識嘅人: 卅肆

星期一 8:04 班房

出面依然有一大班狗公守候住個校花。

「聽講新嗰個阿Sir係阿智個阿哥喎。」阿菴一提起，我又醒返起原本中史個阿Sir上禮拜五last day，今日會有個新嘅阿Sir嚟代課。

「關你撚事咩，你都有老公啦張太。」阿智駁返佢。

「屌，J下都唔得咩。」





「唔得呀。」我都講埋一份。

「收皮啦你。」

但係「收皮」呢2隻字嗌得太大聲，俾個on9訓導聽到，阿菴咁就俾人記咗個小過。

「屌。」佢細細聲咁講。

「如果你老公知道咗會點呢？」我問。





「冇嘢㗎。」佢答。

「阿菴~」呢吧咁清甜嘅聲仲唔係阿兒？

「嚟啦~」阿菴出去開門。

8分鐘後

好，







阿兒又出唔到去...

頭先個訓導突然嚟清場，班狗公扯哂。

阿兒都順利返返去佢嗰班。

過咗幾個鐘之後，終於到最後一堂 一一 中史。

頭先講中史... 哦！係，有個新老師代課。

到底係咪真係阿智大佬呢？

當我仲發緊夢嗰陣阿Sir已經入咗嚟。





「大家好，我姓王嘅，三劃王個王。大家可以叫我做王Sir。」

「王Sir午安。」

之不過咁，我見到條友向阿智打咗個眼色，唔通真係佢阿哥？

上緊堂嘅時候，王Sir不斷叫阿智答問題，呢個時候似乎已經有人察覺到有啲嘢。

放學嗰陣我，阿德同阿菴都圍住阿智。

「喂，仲唔係你阿哥？」阿菴問。

「唔係阿哥會成日叫你答問題？」我問。





「幾時請食麥旋風呀？」阿德問。

「你收皮啦，個腦淨係得雪糕。」阿智諗住反駁。

「屌，你仲未答喎。」阿菴繼續追問。

「errrr... errr... 呀呀呀呀！」

「答你就答啦咁多嘢講。」阿菴踢咗下阿智個春袋。

「白色...」

「收皮啦死咸濕仔。」

「我我我答，err... 其實佢佢佢佢...係我...我我我阿哥，得未？」





「哦~走先，bye。」我講完即刻去趕巴士。

「等埋呀！」阿菴都坐巴士。

我哋喺學校後面個巴士站坐K52去西鐵站。

「B~」把聲咁似阿賢嘅。

「B呀~」阿菴一見到阿賢就仆咗過去。

我坐低嘅時候，竟然有條女坐埋嚟。

條女係阿阿阿兒！？