我2: 第二話

一落堂大家就散，趕去上下一堂或者去食嘢，由於我仲未好熟習個環境，所以周圍行去搵路去另一棟building上堂，今堂係上tutorial-係小班教書，通常只有40到60個學生一個小班，我入到課室見個老師仲未到咪好自然就開始挽手機，唔覺意打開咗WhatsApp就好自然咁打開埋同C嘅Chatroom腥左句 “hi”，點知道佢秒回我hello喎，作為一個單身多年嘅男性個一下子十分之緊張唔知道同佢講啲咩好，只好問下佢依家有冇堂上啦。
佢又秒回話“有丫，但係仲搵緊個課室”，個一刻係到諗點解C咁可愛嘅(其實係想話佢蠢)，知佢係到搵緊課室當然係問佢使唔使幫手啦叫佢腥埋個房號畀我等我幫佢搵吓，點知佢腥俾我嘅正正就係我課室嘅號碼，個一下係到諗我哋係咪真係咁有緣，就係呢個時候C推門入黎課室，佢身邊仲跟住個女仔，由於我坐正對住門口所以佢一入嚟就會見到我，我哋對望果下佢禮貌上對我點一點頭，佢見我隔離有空位就帶埋個女仔坐咗係我隔離，仲同我講佢搵到個新組員一齊做個group assignment就係佢身邊嗰個女仔叫阿K，仲即場開咗個WhatsApp group，仲同我講翻佢地係admission day嘅嘅時候識。由於我入學比較遲同埋我冇admission day所以我可以話係一個朋友都冇咁入讀大學，既然識咗阿C同阿K當然係黐住佢哋啦。