因為妳，我學識左愛（籃球 少甜）: 2 初次見面

「各位同學，早晨！」講住呢句嘢嘅人，係今年嘅班主任周sir。佢係一個好nice嘅老師，又係小鮮肉一個，在學校都好受同學歡迎，畢竟佢同我地嘅年齡層都唔係差好遠，所以好多女同學會同佢傾心事，上至升學，下至感情私事。

「早晨！」成班人回應

「相信各位同學都收到線報，今日有新同學過來，咁我地拍手歡迎佢地啦！！」

成班人係咁拍手，尤其是係男仔，佢地叫得好開心，er....

「哇.......」全班感嘆





一個綁住馬尾，著住校服，再加件冷衫，戴住副文青眼鏡，精緻，靚嘅女仔行左入來。

「hello，我係係張雅心，大家可以叫我做Cassie.」女孩自己介紹自己

「好，Cassie，咁你去最後排果個位坐低啊。」周sir指住我隔離嘅空位。「喂，浩雲，起身啦，新學期唔好逼我開年啊。啦」

我唔耐煩咁起身。冇錯，我由頭先一到來，就係咁瞓，瞓依家。而我終於明白，點解班人會哇一聲，因為真係好靚。

佢就咁坐左在我隔離。佢對我微笑住講「hello 我係Cassie，請多多指教。」





「浩雲，你唔好蝦人地啊，卑我知左，你就知死。」周sir指住我講。

「雲哥有福啦～」「早知自己一個坐啦！」「羨慕！」

周圍都有啲醋嘅聲。

我望住Cassie，簡單講左「啊雲。」避免過多嘅交流。

啊鵬望過來，對住我講「好心你唔好咁cool，女仔來㗎」跟住再同Cassie指住我講「唔好意思，佢係咁㗎啦，唔好意思啊」





「唔緊要」Cassie笑住講。

小息嘅時候，我隔離圍住左好多人，好多人都對呢個新同學好有興趣，搞到我想瞓都冇得瞓，唯有同啊鵬肥強落小食部買嘢食，食嘅靚早餐。

肥強「大佬，唔係話屌你，有個咁好嘅女仔坐在你隔離，你仲咁串，講來拍唔到拖點算啊！」
啊鵬「你唔話佢啦，佢之前單嘢，到依家都未搞掂啊，佢都係驚姐」
肥強「咁都過左去咁耐啦，男人老狗，驚咩啊！」
我飲左啖檸茶「唔想再浪費時間，依家，可以打波，返工就得㗎啦。」
肥強「唔通成世同籃球過咩，唔好咁細膽啦，你唔試下，點知得唔得呢～」
我「得㗎啦，行啦，夠鐘啦」
肥強「成撚日都係咁，冇佢乎。」
啊鵬「行啦行啦。」

就咁，我卑班兄弟鬧，我都知佢地為我好，不過算啦。逃避多陣。





去到我果級嘅樓層後，我翻左課室先，而阿鵬同肥強話要去廁所。

肥強上完廁所，照住鏡嘅時候，佢問阿鵬「雲哥之前鍾意嘅女仔有咩咁巴閉啊，搞到依家咁嘅樣」
啊鵬「條女本身係收開兵㗎，係佢on99，以為自己同個女仔可以一齊，跟住埋係咁送野卑佢lo，送到最尾，條女玩夠嘅時候，雲哥又無啦啦同人表白，埋卑女仔笑佢柒咯，跟住埋頹到依家咯。晨早叫佢唔好咁做，佢又唔撚聽，不過都好嘅，起碼佢學精左，唔會亂咁來。」
肥強「有咩好啊，呢個Cassie就咁睇，都幾好啊，cute cute地，佢錯過就真係錯過㗎啦！」
啊鵬「你講到咁，你又唔溝？」
肥強「我都有我自己鍾意嘅人咯，唔使預我。」
啊鵬「雖然Cassie睇落靚女，但係唔知識落點，再睇下先啦。」


翻到課室嘅我，我個位終於冇咩人，錯，直頭係冇人。因為Cassie唔在位度。我緊係即刻趴在度啦，有得瞓，仲唔瞓咩～

當我瞓得果一陣，就聽到隔離前後左右都有啲吵，我唯有起身。見到肥強，啊鵬同Cassie在傾解。
但係對話方式，似係popo審犯咁。
肥強「你住在邊㗎？」




Cassie「觀塘啊～」
啊鵬「你做咩無啦啦搬過來啊？」
Cassie「我之前住上水，依家搬左來觀塘，咁埋轉埋校咯～」
肥強「你平時鍾意......」
我忍唔住出聲「你地做咩啊，成個警察審犯咁嘅款，放過個女仔啦～」
啊鵬叫囂「woo～英雄救美喔～型到呢～男神」
肥強「雲哥出手啦，大家唔好同雲哥爭女啦～」
我望一望Cassie，見到佢面紅。心諗「早知唔出聲啦～」
我決定唔理佢地，都係繼續趴低瞓。


第一日開學，淨係翻半日，就有咁多花生卑人食，btw，信息量真係有啲多，無啦啦多左個女同桌，又卑人話有路，唉算，啦啦聲返工。唔記得同大家講，我依家係有翻part time，每日放學就去士多返工，攢下零用錢。當我準備走嘅時候，肥強同啊鵬問我「雲哥，食唔食lunch啊？」
「唔撚食啊，屌你地兩個老母。」我有啲嬲咁講。
「埋唔食，頂多叫埋Cassie」啊鵬講完問Cassie「你同唔同我地食lunch啊？」
Cassie點左頭，跟住話「冇所謂啊，食咩啊？」




我因趕時間，就講左下次先，跟住啦啦聲走左去。