因為我個仆街老豆 我被下了一個賓周會變短的詛咒: 67. 重遇

這天，李乘風和欣欣襯週末在家觀看電影，不過這套愛情電影在中途出現了一些親熱的畫面，看著看著二人都各自有了些自然的反應。欣欣本身是半倚半抱著李乘風，這刻她臉龐突然微微發熱，抱著李乘風的手也不其然加大了力道。而李乘風同樣臉龐微微發熱，但明顯一副周身唔聚財的樣子，開始想從欣欣的擁抱中擺脫出來。
 
為了不太明顯，過了一會他便借故要去洗手間站起來離開了欣欣，而回來後，他刻意和欣欣保持了一段較長距離沒再讓對方貼近自己。欣欣心裏知道是甚麼事也沒再勉強對方，雖然對方沒說，但她看得出對方的心情比剛剛產生了很大的負面變化。
 
「不如我地落去行下食下嘢?」看完戲後欣欣為了分散李乘風的心神所以提議。
 
「我有少少累唔想出去… 一係我地叫外賣?」李乘風回應。
 
「咁我落去買啦，我順便有啲其他嘢想買~」欣欣明白李乘風的心情便打算借故離開一會讓他自己冷靜一下，希望回來時他能回復原狀。
 




「好呀，唔該欣欣…」
 
「唔駛咁客氣…」
 
(或者我地以後都唔應該再睇愛情片…)欣欣落到樓下後想。
 
這個問題一直是李乘風的心病，而因為李乘風，現在也成了欣欣的心病。
 
不過作為一對情侶，若不能一起看愛情片也未免太悲哀了，但又總不能每次看之前自己都事先看一次看看有沒有親熱場面才和乘風哥哥看吧?隨著時間越久，suffer越大，欣欣對這詛咒的怨念亦越深， 更憎恨著把乘風哥哥害成這樣的所有人。
 




 
在街亂逛想著會不會買些甚麼給李乘風能讓他回復心情，一個熟悉的臉孔卻突然出現在欣欣面前。
 
「Daisy?/欣欣?」
 
由於以前李乘風間中會帶欣欣到Miss Lui屋企一起玩，所以欣欣和Daisy也見過幾次面互相認識，不過不算熟絡。
 
「好耐無見，你幾好嗎?」Daisy問道。
 
「還好…」欣欣一邊心想有沒有這麼邪門的時候一邊還是嘗試有禮貌答道。




 
「李乘風呢? 佢幾好嗎?」Daisy裝作不經意又問，因為這其實才是Daisy最想問的問題。
 
數年前Miss Lui雖然終於從鄭子誠的惡夢中解放出來，但Daisy看得出Miss Lui仍不快樂。而這麼多年縱使也曾有不同的追求者出現，但她都沒有接受，只是不時望著窗邊聽著”有一種悲傷”在發呆，她知道她還在想念李乘風。
 
她有提議過找李乘風把真相告訴他，但Miss Lui阻止了她。
 
---------------------------------------------------------------
「家寶，其實你仲咁鍾意李乘風，點解唔搵返佢啫? 依家佢又升咗大學，個人渣又消失咗，你都無晒顧慮啦...」見家寶又在窗邊聽著那首歌在發呆，Daisy忍不住提議。
 
「唔會喇...依家佢同周紫盈應該好幸福，我又何必去打擾佢?」Miss Lui繼續望著窗邊回應道。
 
「你可唔可以唔好乜都諗佢，間中都諗下自己呀? 你睇下你自己依家個樣幾憔悴?而且佢至少應該有權知道真相同選擇!」Daisy不滿地繼續勸說。
 
「你唔了解佢...以佢咁重感情嘅性格，比佢知道真相，佢一定會好內疚日日怨自己，以後都唔會再開心...而且到時佢只會陷入兩難唔知揀我定周紫盈好，咁我又何必要佢為難增加佢嘅煩惱?」可惜Miss Lui心意已決。




 
「我真係無你乎...如果你真係要說服我，咁求下你唔好再日日唔開心，試下放低佢啦，咁我就唔會再勸你喇...」Daisy只好退而求其次只希望家寶好好保重身體。
 
「如果你真係私下搵佢講咗佢聽，我會同你絕交! 不過我都應承你，我會努力放低...」
---------------------------------------------------------------
 
Daisy沒法下只好尊重她的決定。只是這天碰巧撞到欣欣，自然想為家寶打聽一下對方近況。若知對方現在是單身，她可能會立即把真相告訴李乘風並綁著他回家見家寶。
 
「你仲好意思問! 乘風哥哥比你個Miss Lui害死呀! 唔係Miss Lui亂搵男人乘風哥哥唔會攪到依家咁㗎!」
 
本身還能控制好自己，但對方提起李乘風讓欣欣一陣心痛，霎時間剛剛才稍為平伏的怒氣再次上湧。若當時Miss Lui能一心一意對乘風哥哥，他便不會受傷然後變得不信愛情，詛咒更不會應驗。她恨Miss Lui，同時把Daisy亦恨上了，一時忍不住便罵了出來。
 
不過很快她亦知自己失態，所以便立刻轉身離開。
 
「你話家寶咩話? 我要你同家寶道歉!」自己的好友因李乘風已經受盡委屈還要日日以淚洗面，現在還要被人侮辱周圍搵男人，Daisy替家寶不值，生氣地追上去並捉住欣欣。




 
「道咩歉?  我有講錯佢咩?佢唔係水性陽花點解要背住乘風哥哥同第二個男人上床? 枉乘風哥哥仲咁愛佢!」手被捉著，欣欣生氣地還擊。
 
「欣欣你! 唉...其實件事唔係你地所諗咁㗎...」Dasiy雖然生氣，但稍為冷靜亦知其實不能怪欣欣。而且聽她剛說的話李乘風貌似過得並不好，心軟下語氣亦同時軟化下來。
 
「咁係點?」對方語氣軟化，欣欣亦冷靜下來，帶點疑惑問道。
 
「你依家得唔得閒? 我搵個地方慢慢講你聽?」Daisy想了想後還是下定了決心說。
 
(家寶，對唔住...我真係唔想你再受委屈喇，那怕將來你會嬲我真係要同我絕交... 而且今日撞到欣欣，或者都係天意?)
 
 
兩小時後
 
「喂，乘風哥哥?」欣欣接聽了電話。




 
「欣欣你喺邊?行咗幾個鐘都未返嚟嘅?無事嘛?」李乘風的聲音在電話響起。
 
「我...無呀，頭先試衫試耐咗咋，我行多陣買埋晚餐就返嚟㗎喇。」
 
「無事就好，唔好行咁耐喇，自己小心啲呀。」
 
「知道...」
 
 
(乘風哥哥，到底我應該點做好?我應該好自私咁留你喺身邊，定應該要話個真相比你聽等你自己選擇? 但我真係好驚你知道咗真相後我會就咁永遠失去你呀...)
 
突然的消息讓欣欣不知自己該怎算好。