[兩性] [大結局] 叫咗個PTBF，居然撞正係Ex: 第三章、初嘗禁果 (3.1名牌）

因為唔想俾人覺得我好好呃咁，所以我無耐之前就開始買名牌。將自己包裝到好港女咁。
 
今日我着嘅衫係一件酒紅色lace上衣配黑色百摺裙。我將所有要帶出街嘅嘢放喺我嘅 黑色Gucci Marmont 手袋。寬22cm嘅手袋對只有155cm嘅我黎講就岩岩好，如果用更大嘅手袋，就只會俾人覺得我更細粒，呢啲反效果要避免。
 
之後我戴上Chanel耳環。鞋我就打算著對新買嘅YSL黑色凉鞋。佢係我咁多對鞋入面設計最特別嘅一對。我打開鞋盒，鞋跟上面YSL三個字隨即映入眼簾。
 
https://imgur.com/Ewwb3S6
 
點解女仔會買名牌？就算係打份萬零蚊嘅月光族OL，都總會有個名牌手袋看門口。
 




有人話，係因為女仔想藉住個袋去吸引返買得起手袋比自己嘅男仔。當你見到一個身上著名牌嘅女仔嗰陣，再望下自已件Uniquo tee，你仲夠唔夠膽上去抄人牌？

另外，嗰種距離感會令到你覺得:佢唔係小妹妹啦,唔係咁容易氹。如果想同佢有進一步嘅關係，有可能要請佢去高級餐廳食餐飯、買啲名牌野比佢先得咁喎。
 
男財女貌，係全世界都通行。男人鍾意靚女，女人想識有錢人。
 
男性睇女性能夠生育的表徵，而女性係看重對方養育後代嘅能力。

各取所需而已。