[粵語殘故] 神探理小龍: 第二章

在香港這個人煙密集的繁華都市 , 甄蕾父女一如既往擠塞於屯門公路，漫漫長路令行程的對話充滿嬉笑怒罵。

隨處可見的白色小型貨車跟隨著導航駛到西貢十八鄉附近的一條村「目的地於前方100米」

田爸爸將車停泊在路的一邊問「係咪約咗在村口等？前面有個女嘅，打去睇下係咪她？」

甄蕾反起白眼企圖用誇張嘅顏藝去表現自己的反抗，隨手就拿起電話致電委托人馮小姐 :

「馮小姐？我係狗壹壹田小姐啊。我哋部車到左村口啦，我哋可以去邊搵你？」





「啊！我哋見到你啦，不如你過嚟上車帶我哋去嗰個位置！」

「好的，咁我哋轉再傾。」

甄蕾收線馬上便舞動彈起手指公，大叫一聲「 掂 ～ 向前 ～ 」

馮小姐外表端好卻神色又莫名凝重，登車後三人的氣氛迅間跌到冰點，對於從事寵物善終服務的甄蕾父女，應對這種尷尬狀態早已習以為常，田爸爸的處理手法是以靜制靜、並以不羈應萬變，而甄蕾一般都會嘗試安慰當事人。

「馮小姐你心地都幾好，流浪狗吾係你養的都照顧，雖然狗狗走左，不過狗死不能復生，你都唔好咁傷心。」





馮小姐傷感地搖頭「我冇你諗得咁好心，我只是見到牠傻更更幾得意，平日會買啲零食餵下牠；大家一場相識亦算有緣，我自己又學佛修行......

三人去到一間荒廢的舊式唐屋，馮小姐指向示意狗狗處於屋內。

「牠本來是住呢家嘅老婆婆養的，間屋老婆婆幾年前已經唔係度冇人住，不過牠都一路徘徊喺呢間屋附近，好似希望守護住牠同主人嘅回憶咁，不過其實點都冇所謂，希望來生可以過好啲。」

馮小姐鞠躬「接落嚟麻煩你哋處理，我先返去等。完成通知我再轉帳比你哋。」

等到馮小姐離去後，田爸爸久違地開口話「開工！我入去你係門口等。收到冇？」





甄蕾再次反起白眼「係係～都唔明你點做生意。你啞架！一句說話都唔同個客講，我係你代言人啊！」

田爸爸邊整理裝備邊話「我地呢行最緊要係專業，我又係來賣笑、我個朵是動物界王傑，吾是黃子華」

趁田爸爸走入屋內的時候，甄蕾淘氣地反駁「冇人識你王傑啊～哼！」

田爸爸好快就將狗狗打包好送到上車駛回工場，慢慢長路甄蕾不禁忍唔住問：

「點解今日狗狗陣味特別勁又好怪，牠走咗好多日先發現？」

「馮小姐話尋日仲見到佢，應該琴晚或者今朝走的！燒死的；氣味梗係同平時唔同」

「咩野話！」甄蕾驚訝得咆哮起來

「咁呢壇嘢咪凶殺，你唔使報警呀？」





田爸爸點起根煙「報警！？警察點會浪費警力去管啲狗嘅生死,就算拉到人律政司都懶得告啦，你當啲狗係藍絲啊！邊度有人理 ...... 」

甄蕾氣惱得滿臉通紅「咩冇人理呀！我唔係人啊！唔應該咁樣囉，無端端點會燒死！我正式宣布呢單案相當有嫌疑，根據我自小睇偵探小說的結論必定係凶殺案。」

田爸爸聽到卻皺起眉頭「今時唔同往日，香港呢個地方對動物來講係唔會有公義的。」

遺憾一條生命的逝去最後演變成一場父女爭辯角力道德倫理的話題，只希望以慰狗狗在天之靈的是還會有人會為牠尋求正義～為牠不平則鳴 ......