【代糖故系列】《她被寄宿到屋邨男孩的家中》: 179

我撻返著部車，揸住部瑞典Scania長貨櫃車繼續馳騁石屎路，運送一啲不知名嘅貨物。
Q：「咦，好靚喎！呢度邊度嚟㗎？」
我：「愛沙尼亞，妳條仔啱啱去完嗰度。」
Q：「吓！點解會有嘅？」
我：「成個歐洲都有㗎，我見波羅的海pack做特價咪買嚟去下囉，你知我有幾窮㗎啦，個pack好平咋，三十幾蚊港子，抵過妳啲skin好多。」
Q：「咁會唔會落雪㗎？」
我：「得落雨，要改game先會落雪，我懶得改。」
Q：「我又要玩。」
我：「妳識揸車㗎咩？」
QQ唔理我就直接攞咗我個手掣，佢就當然唔識㩒啦，好彩我喺條高速公路上面，架車無踩油就減速直至停咗喺條路上面。




Q：「邊粒制開車㗎？」佢直接坐咗喺我大髀上面…
我：「R2囉。」
Q：「即係邊粒？」
於是乎我就捉住佢兩隻手連埋個手掣，將佢隻手指㩒落個R2上面，架車就繼續郁喇。
我：「唔使咁大力㗎，R2係analog制，細細力就會畀油，如果唔係會太快㗎，呢邊L2就係煞車，左邊蘑菇就係轉彎，都係輕輕推就得，如果唔係就會甩尾。」
我一路控制佢啲手指一路教佢，對於時不時會拖手嘅我哋都唔算得係啲乜嘢，但係佢坐咗喺我身上面，呢種身貼身嘅感覺實在係太over，我身體某個部位出現咗唔應該嘅甦動，只求佢而家會因為壓到我實一實而唔會感覺到。
Q：「嗯，得喇，我可以自己嚟。」
咁我就放開咗佢隻手，由於無位放手嘅關係我就攬住咗QQ條腰，睇住佢揸到架貨櫃車左搖右擺，時快時慢，我都好擔心其他道路使用者嘅安危。
Q：「想問下有無得去巴黎睇鐵塔㗎？」
我：「有，但無得駛入去。」




Q：「咁你教我揸去巴黎啦。」
我：「吓，愛沙尼亞揸去巴黎要好耐㗎喎。」
Q：「大概要幾耐呀？」
我：「現實時間粒幾鐘囉，一係我換過個job，去法國開第二部車囉。」
跟住我就去里昂車房度換咗架車，接咗個job去巴黎；QQ就當然揸到亂咁嚟啦，又超速，又衝燈，又撞到其他車，所以話千祈唔好俾女人揸車，除非你唔介意自己架車變碰碰車。
抱住佢條腰真係好舒服，而只要我向上移幾吋，就可以接觸到佢真空身體最軟嘅部位；我好想知道究竟有幾好揸，係咪好有彈性，啲奶易唔易瀉；QQ，我知妳或者唔介意，但我實在唔想咁樣抽妳水，我好想我哋可以兩情相悅，再互相分享對方身體嘅喜悅…
Q：「想問有無Chanel㗎？」
我：「妳要Chanel做乜，隻game無咁細緻喎。」
Q：「想睇手袋囉。」
我：「妳好似啱玩The Sims多啲…」




臭女神，敗家女，我唔伸隻手入去妳件衫入面揸到妳對波變形已經好畀面妳。不過，我鍾意妳。