【代糖故系列】《她被寄宿到屋邨男孩的家中》: 666

我：「妳由佢啦，其實佢真係好鍾意Kuromi。」我輕輕㩒住阿健膊頭講，一直以嚟佢同我講過咁多次Kuromi，又成日送skin畀佢，我相信呢條友係真心鍾意一個睇唔到樣嘅女仔，而唔係為咗呃蝦條。
Q：「但係…我都無辦法㗎喎。」
健：「Ku…romi…全靠妳…嗚…我先上到…傳說。」
Q：「傻啦，你自己肯努力玩，遲早都會上到。」
健：「自己上…無意思…而家有妳睇住…嗚嗚嗚…」
Q：「傻仔，唔好喊喇，知你鍾意我。」
講完之後，QQ行咗嚟阿健前面，單膝跪喺度抱住咗阿健個頭，將個身挨埋落佢膊頭！
屌！我好羨慕又妒忌呀！我都唔記得咗有幾多日無抱過QQ喇，佢重要毫不避忌咁貼落去…QQ妳有無咁博愛呀？為咗個咁嘅傻仔，使唔使對佢咁好？
雖然一直以嚟佢對我都係咁好。
而且本來，佢重諗住送條原味底褲畀佢J。




睇住佢安慰個傻仔，我重葡萄過知道佢要去送外賣搵條仔扑嘢，我都諗唔明點解。
大概過咗兩分鐘，個傻仔終於冷靜咗落嚟。
QQ慢慢扶起佢個上半身，再用紙巾幫佢抹乾淨塊面，但係一抹嘅時候，啲眼淚又好似俾地心吸力召喚咁跌出嚟；我…好難理解到阿健呢一刻嘅心情，一個呃咗自己咁耐俾佢玩弄於掌上嘅女仔，又係一個唔知自己係咪一直鍾意咗咁耐嘅女仔，而家幫自己抹緊眼淚，都唔知可以點。
實在無言。
Q：「乜你有咁鍾意我咩？」
健：「唔…唔係…」
Q：「吓，原來你重係唔鍾意我…」QQ擺出一副傷心嘅樣，都唔知女神佢想點，製造定解決問題…
健：「我…唔係呢個意思…」
Q：「唉，我都明嘅，你不嬲都唔多likey我㗎啦。」
健：「邊…邊有…我從來都無咁講過。」




Q：「傻豬嚟嘅，使講㗎咩，一個男仔鍾唔鍾意自己，係純粹欣賞吖，定係諗埋啲衰嘢，有無啲乜嘢意思，唔係諗住要講到明我先知呀？」
的確，QQ身邊有咁多異性，點會唔知我哋諗乜，所以我一直都好驚佢知道晒我嘅心意。
健：「Queenie…無…只係同你唔熟啫…」
阿健只可以無力咁否認，而我就梗係知道QQ講嘅係事實，健仔一向唔鍾意啲擺款讕係嘢高高在上嘅女仔，最慘QQ真係無論成績、外表、家境都狠狠咁壓住我哋，重有乜資格可以鍾意佢，除非你肯放棄自尊成為一隻拜女神嘅兵，如果唔係唔多妥佢都係自然不過嘅事。
加埋QQ唔係清純嘅女仔，同扮出嚟一面無知嘅Kuromi可以話係兩個極端。
健：「我想講嘅係，我鍾意嗰個只係Kuromi。」
Q：「哈哈，乜我唔係Kuromi嚟咩？」
健：「係妳…但同我想像中嗰個唔同。」
Q：「咁你鍾意Kuromi啲咩？」