【代糖故系列】《她被寄宿到屋邨男孩的家中》: 845

知大家好掛住QQ，我都係，但無辦法，等『一日』咁大把啫…又無理由學啲垃圾動畫插播，好快有香豔鏡頭㗎喇！

Gabriel哥哥都唔簡單，自己條女俾人話平胸，重可以繼續笑口常開，我諗佢係驚我同公主兩個街外人俾呢pair神經情侶嚇親；唔得，睇嚟我都要tune下個尺度先得，如果太含蓄嘅話就會有啲假，應YY要求我要不羈少少，不過，鹹濕我就識啫…
丁：「乜嘢係咁，我哋根本就係模範情侶嚟。」
Y：「我都知你兩個從來都唔食飯。」
丁：「哈哈，關乜事呢，雖然呢個係事實嚟。」
我：「吓，唔食飯咁食乜呀？」我第一次聽到有亞洲人從來唔食飯，唔通係食麪或者意粉？
絲：「純carbohydrates升糖好勁㗎，食幾多肥幾多，平時我哋咪食雞胸魚肉呢啲，菜呀海帶呀雲耳木耳，一啲粗嘅雜穀，唔加糖嘅脫脂乳酪。」
丁：「我可能會食多隻蛋，頂多加少少粗麥包，都係嗰啲啦。」佢赤裸嘅上半身彷彿已有答案。
我：「得呢啲…唔會好慘咩，人生咪好苦悶？」




偉大嘅丁麪唔食得，焗豬又唔食得…
丁：「有啲嘢講慣嘅啫，初中到而家都係咁，不過第時就唔知，可能會自暴自棄返。」
G：「同呢兩條友食嘢好麻煩㗎，八成餐廳failed。」又係喎，頭先好似剩係見佢哋食幾塊肉…
絲：「邊係呢，M記都OK㗎，有沙律㗎嘛。」
G：「剩係上次食拉麪你哋話要走麪，要淨叉燒紫菜芽菜筍已經夠嚇死人。」
Q’：「吖，你又唔講最後係你幫佢哋清晒兩個麪嘅嚇死人，擺明你就好開心。」
G：「唓，佢哋嘅存在本身已經喺到取笑緊九成九世人嘅身形。」佢一路摸自己個肚一路講。
其實驟眼睇落佢唔係肥，而係厚實大份。
Q’：「反省下啦你，成個枕頭咁。」睇落似係投訴，實質即刻挨落Gabriel個肚度，都不知幾sweet。
丁：「無所謂啦，每個人都有自己特色嘅啫。」




我：「一碗麪無晒麪，咪食完都好肚餓？」
丁：「咁又唔會，我哋足足加咗六份叉燒，其實肚餓唔係最慘，最慘係要忍住唔飲啲香濃肥膩嘅湯，只係敢蘸少少喺啲叉燒上面。」
嗰幾份叉燒嘅錢，對佢哋嚟講的確又唔係錢嘅。
Y：「橫掂都係要搽，益下你啦。」佢喺個袋入面攞咗枝太陽油畀我。
我：「呵呵，咁我唔客氣喇，女朋友。」
我唧咗啲太陽油落去佢兩邊膊頭上面，推下推下好快就落到佢嘅上胸，以港女嚟講佢身材算好唔錯，手感有彈性，我沿住北半球推到去乳溝中間，然後又搽返去東西半球幫佢唧下波，確實都有得推下，好想睇下佢全裸趴喺度對波會點樣…而我就喺大庭廣眾之下目無王法咁非禮佢。