【代糖故系列】《她被寄宿到屋邨男孩的家中》: 901

Y：「哈，你咁大個人竟然玩轆波？」
即係左上右上四百分，大圈五十，中圈一百，細圈二百，左下右下百五嗰部嘢，如果唔識就再投胎啦。
我：「做乜啫，懷舊嘛，細個嗰陣邊玩到籃球機…加埋妳都唔會想同我玩籃球機啦，哈哈。」
Y：「吖，講到我好似一定玩唔掂咁。」
我：「嚟啦，一人一局，睇下邊個高分啲，如果妳贏到我就聽晒妳話。」
Y：「喂，你好似不朽都要聽我話㗎喎。」
我：「咁有分自唔自願㗎嘛，聽話唔等於乖。」
喺我慫恿之下佢攞起個波一轆。
我：「咁大力做乜，撞網落坑，咁就少咗一個波。」
Y：「唔准笑呀，我玩過一兩次㗎咋！」




我：「唔好意思，我玩過起碼三五十次。」
Y：「吓…乜你都成日會嚟玩嘅咩？」
我：「唔係嘅…屋邨商場都有間兒童樂園，以前兩蚊就有八個波玩，算係好抵嘅遊戲，有時同其他人夾一蚊就可以轆四個波，或者黐下啲大哥哥玩幾粒波都得，反正我又唔會要嗰啲飛。」
YY中咗兩次一百，三次五十，想射四百嘅都落晒坑。
我：「如果我入到一次四百就已經贏妳。」
Y：「你入到先再講啦，鬼死咁高。」
我：「真係入唔到，有無留意百五個窿其實大少少？」
我未講完就已經入左第一粒左下。
Y：「哦…又好似係，你…淨係瞄嗰個位？右下得唔得？」
我：「唔得，右邊會無手感，就好似男仔JJ會傾向其中一邊，女仔會鴛鴦波咁，係大自然嘅規律。」




Y：「我剩係知大自然規律搞到你咁撚鹹濕。」
我：「咁你重搵我扮你條仔，係咪傻㗎？」
Y：「鬼叫我有你痛腳，你無得唔聽我話。」
我：「是但啦，你男朋友咪又係咁鹹濕。」
Y：「點同呢，我同男朋友拍拖有回報㗎喎。」
我：「點呀，即係賣身打劫男朋友咁話，都唔知係咪妳哋個個女神都係咁嘅款。」
Y：「乜喎，咁佢又唔係話對我好差嘅，吓，唔通你又好清高，可以拍拖唔諗住扑條女？」
我：「我而家只係想單身唔好諗埋啲無謂嘢…不過我認鹹濕㗎，最叻就係射啲嘢入窿，睇下，又入一粒。」
Y：「…」佢睇住我八粒波入咗六粒百五分。
我：「哈哈，注定我唔乖㗎喇，衰豬女魔頭。」




我係咁惜佢塊面，而佢亦無反抗，拍拖真係好開心，又唔使使自己錢，可惜今日嘅對像…
Y：「哼，先唔同你鬥呀，嚟吖，你玩呢啲咁叻，幫我夾返隻公仔先。」