[愛情] [校園] [足球] 我鐘意你　但係我唔可以同你一齊: 3.

一諗番起成件事個人即刻打左個冷震，個人即刻都寒一寒。

仆街唔記得左今日要練波，即刻9秒9執野出門口。

因為我地有個好恐怖嘅教練，搞到我地冇人夠膽遲到。每次一遲到就要跑唔知幾多個圈，之前已經試過一次，遲左兩分鐘最後比人罰左20個圈。

通常罰人個個就叫羅sir，可以話係體能教練咁，真正教波個個叫林sir，佢先係執行所有練波同戰術嘅。

今次都係啱啱好趕得切，如果唔係就大鑊。





「喂，朗哥，又差啲遲到啦喎。」  講緊野嘅係我足球隊最好嘅朋友 - 佢叫啊婆 。主要嘅原因係因為佢細細個踼波慢到仆街，比個啊sir叫左做啊婆。

「都話我最後冇事㗎啦。」 我講

啊行:「係喎，你地今年咩班啊」其中足球隊最黑個個加入左對話

「我入左 D班啊，我見你都好似同我一班。」我同番佢講

「下咁咪得我一個係C班，你地三個都係D班，咁班際足球比賽唔使踼啦！​」啊婆好撚頹咁講。





介紹番先，我足球隊有幾個係最撚friend嘅。第一個就叫啊婆啦同我差唔多高但係高我少少，佢就打中場中嘅，最鐘意就係周圍溝女同埋火影忍者。

啊行啦係足球隊黎講都幾高下，通常都係拍住啊婆打中場，兩個會有時交換打下攻中防中咁，成日都好鬼串咀但係真係幾好波。

有一個乜都可以傾嘅叫羊仔，佢基本上就係全能嘅打咩位都得，除左龍門。

最後個個叫做啊賢，打後衛嘅，捉越位真係好撚勁，如果我係佢對面都唔知點算。係個人平時咸濕左少少淨係識講女仔同埋AV女優。

最後我呢就打右翼，主要原因係我跑得叫快同埋出波都唔差。





雖然好似講到好勁，但係始終都係第一年升B grade，我地都係要比班大嘅帶住踼。

「​開波啦今日友誼波啊！」啊婆大叫

「咩話？係咪有女同我打友誼波啊？​」啊賢即刻好興奮咁講

「​頂你，踼波啦咸濕仔。」羊仔即刻講

其實我地都係仲習慣緊踢B grade，所以都冇話勁得去邊

友誼賽林sir(我地足球隊啊sir)全部都安排啲A grade比我地踢，都唔知踢乜撚。最後梗係輸啦，不過都淨係輸少少。

踢完波我地又係度講緊分班啲野，其實我個班都唔係真係識好多人，平時都唔係咁，唔知點解今年突然間會去左班唔係好識嘅班。

我同班隊友講 : 「​喂你地知唔知啊，中一個時有條好撚串嘅女仔同我同一班啊。」





「哦哦哦！係咪你之前話一黎就講粗口個個啊？」啊婆問，雖然我地冇試過同班，但係我同佢係熟到乜都會講嘅人。

「係啊咪就係佢囉，佢之前分班中文堂仲坐我後面，都唔知點算好。」我答

去到依家呢一刻我都仲係覺得呢條女係我史上見過最撚串嘅人，我同過咁多人講野都未試過野都未講就比人啤住。