《愛在。貴族學園》: Ch 9 ~ 嬲到爆炸嘅韻喬 Part 6

Ch 9 ~ 嬲到爆炸嘅韻喬 Part 6（連載日期：2021/12/12）

「嗨，今日真係好攰呀！今晚都係早啲冲涼訓教先！」喺另一邊廂，韻喬喺升降機裏面自然自語道

「爸、媽，我返黎啦！咦，你地做咩喺度執行李嘅？」韻喬一打開屋企度大門，就見到張生張太喺度執緊行李。

張氏伉儷見到韻喬返到之後，就即刻停哂手「咦！乖女你返黎啦？今日喺同學屋企玩得開唔開心呀？」張太道。
 
唔講由自可，一講就把幾火。韻喬經過張太嘅“窩心提示”之後，又諗起今晚喺林家大宅所發生嘅荒唐之事，原本已經平靜落黎嘅韻喬，心裏面再次有一股憤怒嘅念頭冒出。





但韻喬為免雙親替自己擔心，於是就話「幾好呀媽媽，不過我地後來去咗個party度玩呀，乜你唔見你個女化咗個妝返黎咖咩？」雖然頭先喊得咁誇張，但係韻喬個妝依然冇受到淚水影響。
 
張生聽到之後，就走到韻喬面前，然後瞄咗韻喬塊面一眼之後就話「咦，呀女你的妝又化得幾好睇咁喎！你自己化咖？」

「唔係呀，係天殷同學幫我咖！」韻喬已經坐到飯廳，而張生就講咗一句好爆嘅説話「哈哈，小喬你果然係我最美好嘅前世情人呢！」
 
「老豆你作死啊，公然喺我面前調戲個女！咩前世情人呀？！想左擁右抱？你就想呀！呢個係你個女黎咖！」張太聽到之後就非常不滿咁抗議，差少少就想要張生跪算盤。

「唔係唔係，我點夠膽調戲個女……」張生補鑊道「不過阿女今晚化咗妝個樣又真係幾好睇囉。」





「阿女你都開始大個啦，你都可以試下打扮下嘅」

「哈哈，唔使啦爸爸，因為媽媽永遠都係最靚嗰個嘛！」韻喬一句説話就去化解媽媽嘅醋意，然後再問......

「係呢，你地要去邊呀？點解無啦啦要執行李嘅？而且要去幾耐呀？」
 
「公司喺河南駐馬店有個新project嘛，然後我同爸爸聽日就要出發，過去睇一睇個廠嘅set up，大概都要去十日左右……」張太喺講嘢嘅時候，同時都拎咗一曡錢出黎。

「下，乜要去十日咁耐呀？而且你地點去呀？」韻喬扁哂嘴又好好奇咁講。





張太於是就點點頭「係呀，我地會坐高鐵上去，所以呢度媽咪擺低定啲零用錢畀你先。」

「呢度雖然唔算多但係都應該夠用咖啦，自己睇住用啦唔好亂買嘢呀下！」「知道媽媽！」韻喬喺張太手上接過錢之後道。

「另外，我頭先已經喺signal度，通知咗你個好朋友李天殷同學，同佢講咗我地要去河南出差嘅事咖啦，我地都請咗佢幫我地手，睇住你個大頭蝦咖啦。而天殷小姐佢都同意咗」張太繼續講，但係韻喬就……
 
「喂呀，媽媽呀，我已經大個女識照顧自己咖啦，我邊度係咩大頭蝦喎！」韻喬不服咁喺度抗議。

不過，經過今晚向俊軒獻出初吻後，韻喬真係大個女咗。但韻喬又開始諗起同俊軒嘅事，仲差少少講錯嘢添！
 
「冇得你唔服呀死女包！鬼叫你由細到大都唔識照顧自己，然後次次都要爸爸媽媽出手救你呀？！」張太嘅反駁自然就令到牙尖嘴利嘅韻喬冇聲出。

「總之呢，好好照顧自己啦！得閒嘅話都可以上去李家食飯，天殷同學同我講嘅」張太繼續講。
 
韻喬一聽到天殷亂咁應承自己父母，就知道天殷嘅老毛病又發作啦。但係韻喬都冇咩反抗，於是就話「知道啦媽媽，但係我都應該唔會亂咁上去啦。」





「不過，你同爸爸今次去咁耐，你地都要小心啲喎！」始終父母要離開自己身邊咁耐，所以韻喬帶點擔心咁講。

（待續 ~）

IG link https://instagram.com/bear_big_big_writer