【校園】【愛情】A0毒男的愛情史: 【早上相遇】

(為catkillkill怒火得到平息，在此獻上加更。)

星期二早上，不知道今天是否出了什麼差錯，平常不到最後一秒也死不肯出門的我，反常地早早起身刷牙，食早餐，換衫，出門。

「哇，死仔，你轉死性啊，咁鬼早起身嘅。」平時要在這個時間點開始叫醒我的母親大人，今日見到自己個仔晨早流流醒咗而感到驚訝。

「冇啊，唔想日日跑翻去咪早啲醒囉。」我一邊吃著早餐一邊回應。

「你冇發燒啊嘛，等啊媽check下佢。」說罷母親大人便用手掌撫摸著我額頭探熱。





「妖，咪玩喇。」我把她的手撥開。

「唉死仔，玩下都唔得，咁你都醒咗，我翻房繼續瞓喇。」說完母親大人便消失在我視野裡頭，回房享受睡眠。

「叮」一聲，電梯到達G樓，在面前映入眼簾的那個女生被玻璃窗外太陽光照射著，像有一道耶穌光燦爛奪目，其實我都唔知自己想講咩，總而言之女神依家就喺我面前出現啦...講完。

「啊晴早晨啊。」我對她示好。

「早晨啊，咁啱啊。」啊晴回應。





「啊晴，我想講翻關於琴日嘅事。」雖說已經度過了可怕的處刑，但往後方針也需要來談一談。

「你唔諗住想錫多一次吖，唔得！唔得！絕對唔得！上次係迫於無奈先咁樣咋。」看起來啊晴誤會了，紅著面加快腳步向前跑遠。

「唔係呢，你誤會咗。」我追趕上前抓著她的前臂挽留。

「誤會，誤咩會，琴日....琴日你....」啊晴說不出完整的說話，看來她對於昨天的事也感到羞恥。

「唔係啊，你聽一聽我講先，我唔係想要錫多你一次，我係想同你講下之後嘅事。」我嘗試令她冷靜下來。





「吓，之後嘅事??仲有啲乜嘢事。」啊晴她迷茫地回道。

「我係話我哋扮緊情侶嗰件事。」我道。

「哦，你早啲講啊嘛，嚇得我。」啊晴回道。

「明明就係你唔聽人講嘢走咗去，仲要跑得咁快，好彩我平時朝早返學跑開啫。」

「...」啊晴緊盯著我面部沒有說話。

「乜我塊面有嘢咩??」我用手左右摸著自己的臉頰，查看是否有東西粘著上面。

「不如你放手先喇。」啊晴微笑著說。

糟糕，原來我一直緊握著啊晴的手不放。





「Sorry，我冇心㗎。」說罷我便慌張地鬆開了手。

「唔緊要，呢件事遲啲先再講喇。」啊晴說道。

未完待續.....................