【校園】【愛情】【0甜】【日常】能讓我重遇你多一次嗎..: 第四章

我哋換好晒衫之後，一齊出門口
到咗超市，彤彤第一時間跑過去零食區
不過我都唔係傻嘅，即刻捉住佢頂帽
同佢講：「病咗仲諗住食零食，未死過？」
佢扮無辜咁講：「咩喎，咁我小朋友嚟㗎嘛，同埋就算病咗，我都有人照顧我。」
我都好無奈咁，摸一摸佢個頭
叫佢：「好啦好啦，唔准買太多，薯片以外都可以。」
佢即刻開心返，一路跳下跳下咁樣行過去。
唔知係我啱啱瞓醒定係點，
感覺到彤彤好似越嚟越可愛。




有時嘅佢可愛得來帶點性感，
但係好多時候都好似小朋友。
「喂做咩發晒呆咁樣嘅」佢側頭望住我講
「快啲過嚟同我一齊揀下今晚食咩，我有啲肚餓lu,嘿嘿」佢好嗲咁講
我哋簡單買咗啲肉同菜，之後就離開咗超市。
返到我屋企，阿晴即刻喺間房出嚟
「阿嫂，早晨！」佢好興奮
然後阿晴話：「快啲入去廚房整嘢食啦，好肚餓呀，阿嫂交俾我得啦。」
我隨口覆佢：「又亂咁叫人啦。」
跟住阿晴就推咗我入廚房，




急急腳帶咗阿彤入房
「究竟你同阿哥點架，一齊左定係點…？」阿晴疑惑咁望住芷彤講。
「我都唔知啊，不過個感覺幾特別。
唔唔唔，呢啲係咪就係叫做友情以上，戀人未滿，嘻嘻。」芷彤托住頭咁同阿晴講。
芷晴疑惑咁講：「既然大家都知道大家鐘意對方，不如就快啲喺埋一齊。」
「不過我……………」
「喂，快啲出嚟食飯啦，又話肚餓..」