【校園】【愛情】【0甜】【日常】能讓我重遇你多一次嗎..: 第八章

「嗯嗯～知道啦」我一邊瞓一邊講。

「真係冇你乎」

嗰個咁溫柔嘅女仔就係坐我隔離嘅女仔—可恩。

「唔好再瞓啦，陣間個老師又鬧你啦。」可恩一邊拍我，一邊講

既然佢咁溫柔叫我起身，如果我唔起身，有啲對唔住佢。





我起身之後伸咗個懶腰，跟住講：「可恩媽媽可唔可以幫我抄筆記，知你好人嘅，嘻嘻。」

「得啦得啦，你有邊一次唔係咁講。」佢溫柔咁講

唔知點解佢成日都可以好似媽媽咁樣照顧我，

所以通常如果佢唔開心嘅時候，

我都會問佢究竟係邊個搞到佢唔開心。





「喂，望夠未呀，快啲望返去前面啦，專心上堂啊」阿恩有啲嬲咁同我講

聽到之後，我都唔敢再亂咁望，專心上晒啲堂。

由於今日唔使補課，所以半日就走咗啦。

一出去就見到阿彤換晒衫過嚟接我

佢着住我屋企啲衫，下面着住我對拖鞋，個人有啲未瞓醒咁企咗喺度。





「等咗你好耐啦，我唔理啊，等陣餐飯你請。」佢扮嬲咁樣講

「知道啦，有邊一次唔請姐，乖」我即刻氹番佢，然後繞住佢一齊行去附近餐廳食嘢

好彩嘅係佢冇鬆開到我隻手，有啲小開心。

到咗之後我哋就搵位坐低嗌嘢食

「要份B餐，凍朱古力唔該」我叫

「咁女朋友要咩？」侍應話

「一樣啊，不過朱古力要熱。」阿彤有啲怕醜咁講

個侍應走咗之後，佢不停拍我





「怕羞死人啦，依家啲人覺得我同你好似拍緊拖。」佢好怕羞咁拍住我

跟住我問：「乜咁樣唔好咩，有個靚仔做你男朋友。」

「靚仔？邊度啊？見唔到見唔到。」佢即刻扮傻問

我反咗佢一下白眼，然後就等啲嘢食出嚟。

「好熱呀，可摸耳幫我吹一吹佢。」阿彤好委屈咁望住我。

「乖，依家係咪冇咁熱？」我幫佢吹左一吹，然後餵佢食。

「嘻嘻，俊俊真好。」佢好嗲咁講。





跟住我哋就繼續食嘢啦

「咁我哋等陣去邊好？」阿彤一面期待咁望住我

「不如我哋去睇戲？」我問佢

「好啊!!!!!!」佢好激動咁話