《我老婆唔係我女朋友》【那些年／學界比賽／真人】 第四章至六章: 【第六章】 輸少當贏的接力賽（２）
阿祥別過頭來調侃：「你條囡真係好活潑喎，唔同院校都溝到嘅？以前中學同學嚟㗎？」連帶我個濕狗隊友都在笑。
我跟阿腸只是課餘朋友，並非中學同校，因此他對我在學時的情況不太清楚。
「朋友嚟啫，喺聯校活動識嘅，個人都好熱情㗎，介紹你識好唔好？」我繼續無奈的回應，看來我就快可以改個綽號叫「無奈泳手」了。
「嘿嘿，多謝晒，我有著落嘞，【山大】有燒烤場你知㗎，我哋遲啲搞聯校BBQ聯誼，帶埋條囡一齊嚟吖。」阿祥陰陰嘴笑著說。
「吖～你個『冚家祥』兜個彎曬你有囡吓嘛，你條囡仲有無其他同學轉介先？」冚家祥是他另一個花名，事關他真是叫阿祥。
「門小你嚟啦，【山大】大把仔大把囡，一地都係，使隱轉介咩，記得一陣交換電話呀。」阿祥邊埋位準備邊說。
接力賽游到第二棒時，我們已經比其他隊伍慢了最少半個池，Leon才游完第一棒上水，其他隊伍的第三棒幾乎已經準備跳水了。
阿祥作為最後一棒已經站上跳台準備，仍不忘繼續嘲笑在旁邊的我：「哈，我愈嚟愈覺得你條囡可愛，佢一直無停過幫你打氣喎。」
我沒好氣的回應：「都話唔係我條囡喏，仆街你『早登彼岸』啦，睇住呀，第三棒就到喇。」
「早登彼岸」是我們以前常常用來咀咒準備出發的對手，表面上是叫他快點游到對面終點，實際上是語帶雙關，叫佢早登極樂，我都忘記了是不是老坑直教的衰嘢了。後來有機會跟牛津跌打佬吹水，原來歪國人都有啲差不多口賤的說法，「see you on the other side」。