穿越時空，冒充平行世界嘅另一個自己，再去呃佢條女上床: （157）

阿鬼本來就係已死之人，一路一嚟，佢都係依靠住嗰粒「靈魂螺絲」，附身喺大隻佬機械人身上。

即係話，佢嘅靈魂係會跟住粒螺絲而轉移。

而之前提到過，觀光塔附近一帶都係製造機械人嘅工廠，因受到破壞而導致啲機械人荒廢，且廢置於四周。

阿鬼咁好彩喺周邊廢棄嘅機械人堆中，睄到有一部完整無缺嘅機械人，於是佢剛才叫張醫生老婆，將粒「靈魂螺絲」轉移到去嗰度。

上左身之後，佢仲發現呢個係一部軍事用嘅機械人，具備左唔同嘅作戰武器，而且仲有一個特別嘅技能，就係身體任何部分都可以隨意分離。





此刻，眼前嘅外星人揮鞭猛攻，阿鬼嘅頭同身，以及四肢同時間分離四散，避開曬揮舞嘅籐鞭。

跟住佢再瞬間轉移，剎那之間出現喺敵人身後。

喺瞬移嘅過程中，佢嘅手手腳腳重新組合，膝頭哥更升起兩把鋒利嘅尖刃。

佢向上一提腿，便從後斬斷敵人一隻手。

呢個軍事機械人嘅靈敏度極高，速度、動作都非常快，快到毒藤蔓獸都反應唔切。





下一秒，敵人轉身還擊，阿鬼第一時間瞬移躲避。

「仲有兩分二十秒！」張醫生老婆企喺一邊幫手計住時間。

「你唔係以為自己喺咁短時間之內，可以打得敗我下話？」毒藤蔓獸身上嘅藤蔓伸展，取替被斬斷嘅手臂。

阿鬼撥一撥頭髮，充滿自信咁答：「足夠有餘！」

「哼！好大嘅口氣！」毒藤蔓獸張開雙手，鋪天蓋地咁伸展出籐鞭攻擊。





幾十條籐鞭好似水母嘅觸鬚一樣，由四方八面追擊敵人。

阿鬼則重施故技，瞬移到對手背後，毒藤蔓獸早就預料到敵人嘅移動，伸出藤蔓圍攻。

呢個時候，阿鬼嘅肢體再次分離。

呢次佢唔單止避開藤蔓嘅鞭擊，分拆出嚟嘅肢體，包括手臂、手掌、大髀、小腿，仲有心口同頭頂位置，都好似頭先膝頭哥咁，各自由內至外伸出一把刀刃。

隨即，分離嘅身體部份分散四周並反守為攻，利用銳利嘅尖刃，快刀斬亂麻般割斷一條條籐鞭。

眨眼間，本來密集嘅籐鞭被切成碎片，散落一地。