地府實習生: 奇怪時間
下午，家，小冰、外婆
【小冰下班回家，外婆在廚房拿飯菜出飯廳】
外婆： 【拿飯菜放在桌上】快啲換衫洗手過嚟食飯，今晚蒜蓉炒菜再加斬咗舊靚叉燒，你至愛啊！
小冰： 【換衫後出飯枱，坐下】又真係幾靚喎舊叉燒，已經心掛掛左幾日想食，外婆食飯，我唔客氣啦。
外婆 ： 【突然想起】係喎！你早幾日話搵工，搵成點啊？
小冰： Send咗email囉，但係未check佢有冇覆我喎，今晚睇吓先，不過你放心啦，份工寫明係夜晚工作，唔會影響士多開門嘅。
外婆： 好地地返士多咪幾好，做咩要搵多份工喎？小
冰： 返士多？好聽啲咪睇鋪，實質係做看間，坐足一日悶死人。其實上次有人話你收舖，點解唔應承啫。
外婆： 【語氣惡】依家好等錢洗咩，間鋪你阿公都有份㗎！有得賺點解唔繼續做。
【氣氛突然安靜】
【小冰回到房，打開電腦檢查電郵】
小冰： 原來有send email喎，【移動滑鼠】聽日面試，用zoom時間係夜晚9時，咁奇怪嘅。
已關閉評論