港足守護神和他背後的守護神: 45 - 男X萃(1)

決賽開始前的一天，潘sir在操練後召開球隊會議。

「聽日決賽我哋嘅男X萃係衛冕冠軍，爭取緊11連冠。

佢哋每個球員嘅平均水平都好高同好全能，而我哋要特別留意呢兩位球員：

中堅奧比度，效力東X U16，係港非混血兒，就算擺喺港超梯隊嘅後衛入面佢嘅身體質素都係最強。同時，佢嘅攔截同頭槌都超班，加上佢對防線嘅冷靜指揮，佢係今年男X萃入決賽嘅大功臣。

另外，就係男X萃嘅隊長 - 左翼孫新。同樣係效力東X U16，佢嘅盤扭應該係同齡人之中最勁，身型唔高但入唔少頭槌。同一時間，佢都係今年學界嘅射手，五場比賽入咗13球，仲差2球就破學界紀錄。」





林振照說：「嘩，咁佢哋咁撚勁，我哋打條鐵咩？」

方國偉說：「係囉潘sir，有冇好橋可以入到波。」

陳兆偉表示：「我喺傑X青年軍入面對過奧比度，佢單防能力係變態，基本上冇可能扭得過。」

因為受傷而明天不能夠上陣的李浩強說：

「陳兆偉喺青年聯賽入面入球數字僅次於孫新，但係佢都冇入過有奧比度嘅東X一球。」





我表示：「你講到咁無敵，咁點搞啊。」

此時，白石表示：「進攻我都諗唔到計，但係你哋有冇聽過“進攻可以幫你贏得比賽，但“防守可以幫你赢得冠軍”？」

我馬上搶答：「當然有啦，但係我哋點打？泊大巴等12碼大戰？」

白石表示：「防守上我哋今日有專人對付入球機器孫新。潘sir？」

潘sir接着說：「冇錯，就係你喇林振照。」





林振照吃驚地說：「我？」

潘sir繼續說：「係啊長跑第四。今日你唔洗理其他野，淨係同我全場manmark實孫新，追貼佢。就算俾人過咗都繼續追，追到去天涯海角，知唔知？」

林振照回答：「好，冇問題。」

潘sir說：「好，今日我哋繼續踢433。

守門員 23號 葉振華
左閘 6號 麥栢倫
左中堅 3號 馬基樂
右中堅 5號 方國偉
右閘 12號 盧鈞凱
防中 4號 白石
防中 25號 林振照




防中 8號 黃家偉
左翼 17號 李儀廉
右翼 7號 陳百加
前鋒 9號 陳兆偉

今日我哋踢三防中，由於振照會manmark孫新，家偉都要退返落嚟禁區頂。儀廉同百加要追返住男X 萃嘅左右後衛，佢哋嘅閘位成日上嚟overlap，記得唔好走漏。

兆偉，我哋留你一個喺前場，你記得要相信隊友，反擊第一點靠晒你。

大家，俾啲聲嚟聽下！」

我們齊聲高呼：「好！！！」

潘sir最後說：「最後一場喇，唔好俾自己有任何遺憾啊。好，散會喇。」





第二天的早會，我們的體育老師也向全校宣佈，我們汕頭工商總會中學的足球隊再度刷新歷史，C grade殺了入決賽。他在廣播中也呼籲全校同學支持我們，可以在放學後（現在是使用夏令時間表）到寶翠公園支持我們。

我十分懷疑究竟有幾多同學會「山長水遠」到寶琳去支持我們。

想不到這麼快就決賽了，原來我們整隊球隊已經一起踢了六場比賽。想到一些隊友即將要升上B grade，我感到一點點不捨。

在更衣室，我以隊長身份跟大家說：「我哋一定要調整好心態，唔可以未開波就覺得會輸。前兩場都冇人睇好我哋，但係我哋一樣殺到嚟呢度。唔好俾佢停，話俾睇低我哋嘅人知我哋有能力捧盃！」

大家齊聲回應：「好！！！」

我們正選十一人列隊走到球場中心，與平時不一樣，今天球場有很多觀眾。

可是，我能夠看得出他們幾乎全部並不是來支持我們。

單看他們打氣的口號也能看得出了。





「拔萃！拔萃！拔萃！拔萃！」

「隊長孫新，閃電降臨；外御強林，團結一心！」

「奧比度，擋你路！奧比度，擋你路！」

希望隊友們能調整好心態吧，男X萃書院的打氣團全穿着校服，那裡是有整級的人嗎？

嘩，他們甚至弄了一些巨型banner，我看到有「出類拔萃」、「男拔精神」等。

突然，我聽到觀眾席上的聲音變大了。

「阿嫂好嘢！！！」





原來，有另一個banner被拉開，內文是「孫新我❤️你！」

等等，舉banner的那人是......