別人名字，我的姓氏(上集): 6. 為同學頂罪

河馬望住企左起身嘅我「程詩敏!!同我企係到上堂」
 
企企都唔錯，我又開始眼瞓，只係一堂者，都唔係好耐
 
河馬佢係到講書，我就企係到聽書
 
其他同學有時都望住我
 
有咩好望?我又唔係M到，條裙冇事呀
 




我望一望果位同學，佢見到我本書顯得好驚訝
 
因為我本書都係jot滿哂notes，仲貼左d memo紙係上邊
 
有咩好驚?平時我放學係立即去湊放學返屋企，都會教兩隻野做功課，自己都會溫書架
 
我上堂都會聽書架喎
 
寫到成本書都係筆記，貼滿memo唔奇呀?
 




偏偏d同學就覺得我咁做好奇怪
 
如果佢地以為我上堂真係唔聽書，佢地就大錯特錯啦
 
其實我每一堂，我都會好留心老師講咩野
 
而且，我仲會備課
 
冇錯，係備課
 




斷估你都唔想食完飯後仲要對住兩條煩膠細佬呀?
 
經過大約40分鐘嘅非洲野生動物公園之旅後，我地迎來第一個小息
 
我好快行到去小食部到買野
 
大家以為女校D女仔真係好斯文大方?
 
慳D啦
 
我地平日上堂真係拉高件長衫打開腳咁上堂
 
而每日小息時候嘅小賣部，更加係戰場所在
 
大家都會為燒賣而戰




 
當然我都唔例外
 
小息鐘一響起，大家都會一窩蜂咁衝去小賣部
 
為嘅，就係燒賣
 
我非常幸運，連續幾日都搶到燒賣
 
睇住D同學差D連胸圍都飛埋出黎，真係羞家
 
搶完後，我自己行埋一邊食
 
正當我享受緊燒賣嘅時候，出現左一把聲音
 




係坐我隔離位嘅Annabelle
 
「呀….Jasmine呀….」佢好戰戰競競咁行黎我身邊
 
家陣我係恐龍呀?好驚咩!?
 
「咩事?」我邊咬住燒賣邊問
 
「頭先…唔該哂妳」
 
就係咁咋?
 
「小事啦」
 
「本來想請妳食野…不過…」




 
我程詩敏洗人請我咩
 
我將手上其中一袋燒賣遞俾佢
 
「妳未食早餐呀?我聽到妳好似好肚餓咁」
 
「但係…」
 
「拎住啦，當我請妳食，妳而家買到野食咩?」
 
小息就快完，所以Annabelle都儘快食左袋燒賣先
 
然後我地一齊返課室
 




「呀…本書d野我抄好啦，洗唔洗幫妳抄埋Notes?」
 
「唔洗啦，我自己jot低左」
 
坐返埋位後，我再隊本書俾佢
 
「妳應該未抄完喎，妳可以遲d俾返我」
 
「唔…唔該哂妳…」
 
「小事一樁啦」
 
我地兩個坐低係位
 
「妳參加左咩課外活動呀?」Annabelle問
 
「我冇呀」
 
「冇!?學校唔係話希望大家可以參加至少一樣咩」
 
「哦，係學校希望者，我都冇興趣，唔通搵枝槍指住我個頭要我參加咩?」
 
小息過後就係英文堂，大家好留心聽書
 
Miss CHAN講書冇其他老師咁悶，而且都好生動
 
大家都好鍾意上佢嘅堂，而佢都好關心學生嘅學習進度
 
遇到同學有困難，佢好樂意幫手
 
過左兩堂英文堂後，就係放lunch時間啦!!!!
 
不過英華女校係山上邊，附近冇咩餐廳，所以大家一係帶飯，一係就食飯商d飯，即係屎
 
所以我一貫屋企傳統，帶飯就算
 
要知道個飯係媽咪一早起身煮俾我地
 
食飯果時，Annabelle坐係我身邊
 
今次係第一次有同學陪我一齊食飯