急需二百萬個人俾錢我贖身: 【8.2】

【8.2】
 
到底六樓上的學生會會長在想什麼呢？他的目的真的只為金錢？以他們擁有的資源科技，有需要用如此引人注目的方式去打劫香港人嗎？
 
聽說……會長的名字叫盧天，跟我同姓，而且都是單字。
 
「既然無人願意去做，咁我哋唯有……」台上的胡sir神情無奈，眼神透出一絲愧疚，「投票。」
 
在社會眼中，老師的責任應該是要保護學生，但沒有一位老師自願承擔這個責任，但又不可以怪責他們，因為沒有一個人有義務拿自己的生命換取他人的生命。
 




投票是最後的方法。
 
於是，在胡sir的帶領下，我們全部人都同意採取一人一票的方式去投出試驗者。
 
沒有人反對的原因只有一個，因為得票者一定不會是自己。
 
但唯一最高的得票者卻連反對機會都沒有。
 
張銘成這群殺人疑犯仍被囚禁在後台更衣室，他們連自己即將成為受試者都不會知道。
 




「我諗大家都需要時間考慮，一個鐘之後大家返嚟呢度投票，將名字寫喺白紙到，然後投入呢個箱。」胡sir指著台上已預備的A4紙箱。
 
於是，大家都找個位置、找個角落去議論，去思考。
 
禮堂氣氛一片沉重。
 
「你會寫邊個名？唔駛問，一定係張銘成啦。」陸欣怡坐在地上。
 
「我邊個都唔會寫。」我坐在她旁邊。
 




「我都係……即使係張銘成，都唔應該揾其他人嘅生命嚟為我哋去冒險。」陸欣怡很善良。
 
「但妳頭先無反對喎。」我說。
 
「係……」陸欣怡歉疚，「所以其實我都知咁樣好卑鄙，但我真係唔想喺呢件事上面沾手。」她把地上的白紙推開。
 
我點頭。
 
「我覺得……我好大機會成為試驗者。」我認真地說。
 
「吓？」陸欣怡睜大雙眼，感受到我的認真所以難以置信地望著我：「點會呀？」
 
「到時……妳可唔可以……」我不好意思地說，「代我成為試驗者？」
 
「吓？」陸欣怡怔住。




 
我望向胡sir說：「但我唔認為，呢個試驗會成功。」
 
陸欣怡忽然用力推我的後腦，罵道：「既然試驗唔成功！你仲要我代你？仲有呀！點解你覺得自己選票最高？你以為你自己係邊個？即使你喺學校性格奇奇怪怪，就算唔討人鐘意，咁又點？都未至於咁多人關注你想你死！」
 
她好像有點生氣。
 
然後，我將我的想法和稍後計劃的行動告訴她。