急需二百萬個人俾錢我贖身: 【14.1】盧天篇

下午5:15分，學生會再度發表全校廣播：
 
「各位師生好，我係康樂組組長陳天祐，喺度我要鄭重宣佈兩件事，第一，我哋嘅工作人員係守護呢個遊戲嘅關鍵人物，我哋一早已經同工作人員定立咗規則，佢哋必須聽從我哋嘅任何指令，係任何指令，而且不得同其他玩家溝通。另外，佢哋衫上面個扣針無錯就係監視器，一旦監視器受到干擾，哪怕只有一秒都唔可以，同時佢哋嘅監視器亦都唔可以離身，同樣係一秒都唔得。若佢哋違反以上規則，將會被引爆。我希望工作人員謹守崗位，亦都希望其他玩家甚至警方可以多一分考慮。
第二，坦白講，我哋承認無辦法辨認出你哋當中邊個對我哋嘅工作人員作出攻擊，但係！如果我哋發現工作人員受到攻擊，而你又喺附近出現，容許我哋咁講『你唔喺現場出現就無事，去得嗰度就可能有被引爆嘅風險』。我哋會執行規則裡面嘅一切內容！我哋唔想濫殺，但係如果我哋無法看清畫面，而定位又發現你哋嘅存在，唔好意思，附近嘅人會全部被引爆。所以，請你哋好自為之，後果自負。」
 
不濫殺，這好像是我們最大的寬容。
 
事實上，剛才全世界人透過記者的無人機鏡頭都看得見有人質學生在走廊上根本沒有開槍，如果當時我們濫殺，就會被全世界認定我們不遵守遊戲規則，贖金金額亦會因此停滯。但相反，我們沒有濫殺，反而是公開說：「我哋承認無辦法辨認出你哋當中邊個對我哋嘅工作人員作出攻擊」，這等同綁匪公開認輸，然後全世界人都向這群足智多謀的人質學生感到讚嘆不已，
 
最終就是贖金金額上升。




 
「阿天，但我哋唔可以俾班人質用同一招。」康樂組組長說。
 
我們必須好好控制局勢，既要讓人質成為英雄，也不可以讓人質為所欲為。
 
「放心，佢哋用咁遠距離去射擊工作人員，根本唔會起到咩效果，而且如果佢哋真係打算戴住頭盔衝去操場埋身攻擊，我哋都會視為所有人埋身嘅人都係攻擊，引爆亦都係無違反規則。」女秘書趙心悠拍拍康樂組組長的肩，「更何況剛才你都講明，喺現場嘅都係有風險。」
 
「嗯……呢句係靠嚇啫，如果嗰個人明顯無郁手，企好遠，我哋都唔會引爆。」康樂組組長抓抓頭。
 
「如果佢企得比較開，我哋定位絕對可以分辨返出嚟。」趙心悠嘴角上揚，「呢場鬧劇應該可以結束喇卦。」




 
「妳好想結束咩？」我笑說，內心有點興奮，因為覺得目標金額快到了。
 
「咦喂！」康樂組組長望著螢幕驚呼。
 
「做咩呀？」女秘書趙心悠立刻望向螢幕。
 
我都看見了。
 
「佢哋停止攻擊，全部各自走入課室係做咩呀？」女秘書趙心悠疑惑。




 
「駛唔駛叫工作人員直接入去睇下？」康樂組組長緊急說。
 
「每個課室大致有二十人……佢哋搞咩？」女秘書趙心悠咬著唇說，「我哋有足夠工作人員，絕對可以有空間調動。」她望向我等待我的指示。
 
我點點頭， 補充說：「每間房……一個，都係唔好，兩個，每間房要派兩個工作員去監察。」

-----------------------------------------------------------------------------------

如果你喜歡我的作品，希望大家可以like我IG，謝謝。

https://www.instagram.com/soldieronpaper/