綠帽日記(粵語): 10:心虛

「喂?….」我有少少心虛。

「baby？你成晚去咗邊啊？梓欣話你一早走咗，但你又無返屋企喎…我好擔心你啊！」聽得出個語氣阿樂真係好緊張我。

「sorry啊BB …我尋晚飲太多，所以出去住咗酒店一晚」我講大話，琴晚嘅事阿樂當然係唔可以知。

「你WhatsApp send個地址俾我啦，我過嚟接你！」

「嗯…」



連拜拜都未講佢就cut咗線，應該真係好緊張我，怕我有事…

我就唯有坐喺度等…周圍望下間酒店房…喺間房行嚟行去…等等..水壺下面有張紙嘅？

我推開水壺拎起張紙睇。

『采兒，我有啲嘢做所以走先』

張紙嘅內容剩係得一句，咁應該係阿軒留低嘅…真係諗唔明…佢到底想點㗎？…



等下等下時間好快過…

「叮噹～」有人撳鐘。

我行過去打開門。

「baby！你無事呀嘛？」阿樂一見到我就即刻衝入嚟左望右望全身檢查。

「無…」我而家見到佢就開始心虛。



「咁你肚唔肚餓啊？使唔使帶你去食啲嘢先？」

「唔啦…我想返屋企瞓…」

「好啦…等等…」阿樂注視緊我身上一啲嘢。

唔通…唔通佢知道咗？呢鋪真係玩完….

「你條頸點解紅咗嘅？俾蚊咬？」阿樂好疑惑。

仆街…唔通琴晚阿軒錫我條頸留低嘅「咖哩雞」？…但係佢頭先話係咪俾蚊咬…應該即係唔知呢個係咩嚟啦…我搏一搏先。

「係呀，琴晚俾蚊咬」我講大話。

「返到屋企幫你搽無比滴啦」阿樂明顯真係唔知我條頸上面係「咖喱雞」。



好彩…鬆一口氣…好彩阿樂呢方面嘅經驗比較少…真係信咗我講嘢。

好快阿樂就帶咗我去巴士站一齊等車返屋企，我全程都唔敢抬起頭望住佢…因為尋晚發生嘅事實在太突然…

「baby...點解你唔出聲嘅...平時你好多嘢講...係咪唔開心啊?」阿樂而家好似變咗一個爸爸咁關心我。

我好簡單咁擰一擰頭就算...我費事一出聲講多錯多...唔小心爆咗琴日啲嘢就大鑊...

（故事仍在繼續。。。）