綠帽日記(粵語): 14:尋求刺激

阿樂一直都喺後面熊抱我，好彩佢本身夠高，所以抱起嚟就好似包住我成個人咁，我幾鐘意呢個感覺。

「做咩抱我咁耐啊…」阿樂已經抱住我3分鐘左右。

「你語氣...好似唔多滿意喎」阿樂講出心底話。

我估唔到平時阿樂咁鈍又直男咁樣，呢次又幾細心留意我喎…

「唔緊要啦…我唔介意，而且我係你女朋友嚟㗎嘛係咪？」我強顏擠出來的苦笑。



「真嘅？」阿樂原本唔開心而家即刻忘記晒。

我點一點頭。

「我最愛老婆大人喇！」阿樂成隻啄木鳥咁狂錫我塊面。

「哈哈…得喇停喇」我見到阿樂開心返，連我都俾佢感染咗一齊開心。

「咁…我去打機先喇喎…」



「嗯」

阿樂成日都掛住玩玩玩，真係無佢辦法…

我都知道有好多人唔鍾意自己個男朋友成日打機嘅，只不過我覺得鐘意打機都唔係無好處嘅，起碼佢宅喺屋企你平時係睇到佢做乜囉。

「叮～」我手機信息響咗。

嗯？係阿軒喎…我睇下佢回覆我啲咩先！



『掛住我？』等咗成個鐘先回應我。

下？就咁三個字？無喇？佢到底想點㗎…

『係呀，我想搵你』呢次我直接單刀直入，唔同佢講咁多廢話。

『今晚10點，上次間酒店等』阿軒講完手機即係下線無再上線。

好…睇佢神神袐袐咁，一於今晚就殺上去睇下佢咩料。

「BB，我今晚去陪個朋友啊，佢最近又失戀」我都覺得呢個籍口好白痴，但實在諗唔到其他更好嘅藉口，唯有咁講。

「下？哦！你唔好再飲酒啊！」阿樂雖然係有聽到我講嘢，但佢嘅視線一直都無離開過部電腦。

「得喇得喇」我仲以為阿樂會問長問短添。



好…我跟手即刻化咗上次個妝，因為我知道阿軒會鐘意，今次我著嘅衫比上一次更加低胸，為咗突顯自己條事業線，條裙短到只係啱啱好遮住咗個屁股。

「5…4…3…2…1，搞掂…而家出門口啱啱好」我望住手機時間倒數。

我偷偷地喺打開門縫睇下阿樂係唔係到先……得！阿樂唔喺廳…應該係去咗廁所。

我小心翼翼盡量輕力啲行到去門口，費事俾阿樂見到我著成咁…你知啦…每個男朋友都唔想自己女朋友著得咁暴露嘅，阿樂都唔例外，佢一定唔會俾我咁樣出街。

咔嚓…輕輕力關好門我就急急腳快步行去巴士站等車，我唔想中途遇上啲咩熟人…睇到熟人好麻煩…

「叮～」我知道一定係阿軒WhatAspp我。

『上次間房，221號房』阿軒咁快就book好房。



過咗無幾耐我已經去到酒店樓下，我見到一個男人好似喺到等緊人…

（故事仍在繼續。。。）