係同屋室友?定係同居密友?: 1. 獨自生活嘅男仔

「咇咇咇咇!!咇咇咇咇」床頭嘅鬧鐘聲，嘈醒左佢嘅主人
 
苗學翹慢慢坐起身，啪熄鬧鐘後，佢慢慢坐起身，準備好沉悶嘅一日。
 
打開電視機，望下新聞，然後去洗手間，邊刷牙邊排泄
 
之後起身去剃鬚
 
著好衫之後，自己一人離開屋企落到停車場坐上自己嘅Jimny仔上
 




苗學翹嘅住所，係一間3房2廳嘅居屋，住所距離工作地點只有幾20分鐘嘅車程
 
Jimny仔到達門口，大閘徐徐升起
 
大門外寫住工作地方嘅名稱「香港XX大學」
 
苗學翹泊好車後，獨自一人行去Canteen食早餐
 
係Canteen內，有好多學生一雙一對地坐
 




無他的，大學係一個撮合情侶嘅好地方
 
回想起大學五件事：上莊、走堂、做Part time、住hall同拍拖，苗學翹自己除上莊外都試過哂
 
就係因為住hall，佢先可以出到pool，免除請食出家飯
 
返到Office，走到自己個座位，打開電腦，準備新嘅一日
 
每日返到學校第一件事，一定係check e-mail
 




大約09:30時間，文員就會將當日上午嘅工作放係工作檯上
 
苗學翹個位Partition上有塊小小嘅牌，上邊印住「Technical officer， Cleverley MIU」
 
苗學翹對住一堆工作，開始慢慢分配俾下屬
 
雖然稱對方為下屬，而且職級比對方高得多，但苗學翹多年黎未曾對師傅們呼喝甚至命令過，相反係以客氣方式與對方相處，而每一位師傅，都會有一位TO或者STO所帶住
 
苗學翹自己工作經驗都唔少，係大學畢業後，大部份畢業生會選擇立即就業或者繼續升學
 
但苗學翹卻毅然選擇左一條非常辛苦嘅道路，佢一邊全職工作，一邊繼續升讀PG M.phil
 
佢份工作，係公證行嘅Chemist，而佢選擇左返中班，因為每朝早，佢先會返學校做研究，然後3點左右返到公司，再係11點左右放工返屋企
 
每個星期六日，總會係學校實驗室見到佢朝9晚5嘅身影，曾經有一後時間，佢被稱為「實驗室的幽靈」




 
今日同平常嘅工作日一樣，苗學翹係文員手中接過工作後，再分俾下屬，而佢自己就坐係位到睇Paper之類
 
佢個office屬於一個大部門嘅小分部，無獨有偶，十幾個成員，全部清一色係男性
，只剩下苗學翹一個仍然保持未婚
 
每日不平均嘅工作量，係呢個小小部門嘅特色。今日可以非常忙碌，由早上8:45做到中午12:30午餐時間，都可以沒有休息時間，然後14:00之時，開始工作，直到放工前半小時，大約17:00為止
 
有時候，完成上午工作嘅時間，可以只係10:00，餘下時間就可以上網、睇書、睇戲等等
 
所以係大學某D部門內，係有不少冗員存在，特別係老一輩嘅員工
 
有時苗學翹自己都心諗，佢讀PhD係為乜?
 
就咁過左兩年左右，原先的上司退休了




 
新嘅上司到來，其實係大部門的高級經理來兼任小部門主管。
 
慢慢地，工作上都開始改變。苗學翹管理嘅機會上升左
 
同時，新主管亦為部門帶黎一些新轉變