係同屋室友?定係同居密友?: 3. 管理層嘅選擇

吳教授坐係會議室望住所有interviewee嘅資料，黎應徵呢一個TO位嘅人數都唔少，當中不乏博士級人馬
 
「你想請邊個?其實個個能力都唔弱」吳教授除低眼鏡問
 
今日剛先完左嘅interview，每一個人嘅能力都唔話，而且仲有個有學科教授推薦
 
「我地想請返一個肯定會長做嘅人，而且呢個位仲要出去上堂拎多張Professional diploma，果d PhD畢業嘅通常都唔會長做」葉經理係佢JOT嘅Notes中不停翻睇翻睇
 
「如果冇合適人選嘅話，就可能要再post請人。咁樣果班同事工作壓力會愈來愈大，加上新嘅研究大樓二期都已經落實完工日子，如果再唔用一至兩年時間去Set up一個新嘅system，我怕會愈來愈混亂。而且有同事都準備退休，所以我地都要儘快請人比較好」
 




其中一個經理Christina同實驗室主管Rebecca一齊睇緊資料果時，都不約而同睇中一個file
 
「咦?其實呢個女仔唔錯丫，佢由UG都係到讀，FYP開始到PG畢業都係海邊跟錢教授。」Christina係部notebook到撳左呢個女仔嘅資料出黎
 
Rebecca亦加上自己嘅意見「佢一直都係做research，佢都有能力幫到我地實驗室果邊驗野」
 
吳教授睇一睇資料，彷彿好似諗到一d野咁，然後佢開口
 
「UG到PG都係到讀，又識做research，都不失為一個優點，你地睇睇，佢普通話個試仲好高分。丫，你地話似唔似聰明仔?」
 




葉經理再放眼睇一睇「差唔多一樣，唯一唔同係聰明仔早過呢個小妹妹拎到PhD」
 
「24歲唔算小妹妹啦?」Christina望住葉經理講
 
「對比我地就係小妹妹架啦，不如我地聽日過一過去海洋研究所睇下佢工作嘅地方係點先，有冇問題?」吳教授除低眼鏡講
 
「冇問題」
 
「ok，咁第二個議題。暫時聰明仔管理如何?」
 




葉經理再拎d data出黎「自從交左operation俾佢管之後，工作efficiency 比以前上升左。以前佢地會留低d野第二日做，但呢個情況已經完全冇哂」
 
「哦~咁幾好喎，有冇搵到原因呢?」
 
「主要係佢會係前一日預計有幾多工作量，然後9點半左右就派師傅出去，比起以前10點先出發，多30分鐘就已經可以提高效率」
 
「暫時有冇收到投訴?」
 
「近年少左好多投訴，user落嘅order，我地都可以係承諾嘅時段之內做到」
 
「唔錯，要Keep住。其他運作之上有冇問題?」
 
「暫時係危險車比較舊，都已經十幾年車齡，係時間要換。我地計劃換部…….」
 
部門主管會議，所傾嘅就係呢d內容




 
為左想儘快搵到新人黎學野，同埋改善落單平台，一眾教授、經理以及高級技術主任開始進行設計及研究
 
首先，佢地去考察下每人選以往嘅工作。
 
Send e-mail係最直接，而所得嘅答案係最「行」
 
所以，吳教授就派出幾名技術主任，去睇一睇佢地心水interviewee平日嘅工作表現