香港女大學生淫事記錄冊: Pre-Ocamp - 獸獵

Pre-camp第二日, 玩足一日世界盃。
「玥玥定Mary?」
「玥玥定嘉敏?」
「玥玥定琳琳?」
...
世界盃呢啲遊戲真係比靚仔靚女玩, 前幾名永遠係個幾個。「玥玥，到你啦！Alan 定 Danny！」組爸問我。 一開始永遠係最唔受歡迎嘅人, 因為咁先可以令所有人名都出現, 比全部人都有遊戲體驗(或者話 被淘汰嘅體驗)

「Danny」我話。

「Danny定John ？」



「Danny」

「Danny定文仔 ？」

「Danny」

Danny身高米七左右,QQ地白白地，唔係話樣衰，但一定唔係靚仔先。其他人開始細語「喂，冰山揀Danny喎。」「唔係呀，憑咩呀。」「認真呢，我輸左比Danny喎屌。」Danny企係隔離,表情尷尬。我心諗：大鑊。雖然我唔想麻煩而求其搵個替死鬼, 但我都唔係真係想佢死㗎嘛！

「因為佢好似我細佬！我覺得幾Q！」我加大音量。



「喔喔, 細佬咋！咁係幾似。」「我係女都揀Danny 啦, 咁可愛。」「Danny你就好啦，教下我點樣變Q。」見Danny 終於笑番，我鬆左一口氣，個心一直同緊佢道歉。

「咁Jackson同Danny 呢？」

突然有把聲係我右上方傳黎。我下意識向上望。見到Jackson胸口幾乎貼住我背脊。好近好近好近。呢一刻, 我好似成為咗佢嘅獵物, 係佢嘅胸膛前顯得特別細小, 偶爾仲可以聞到佢嘅白茶花香水味。佢低頭咁望住我，等我比回應。

「我...我...」唔知係唔係突然超近望靚仔太過衝擊，本身口材好好嘅我都突然lag左機, 身體定格左郁唔到，眼定定咁同佢對望左2秒。

「我...揀Danny......！」我口窒窒咁講, 我feel到自己塊面越來越紅。「唔得！我咁樣就面紅太冇臉啦！」突然翻黎嘅理性驅使我即刻移開，同Jackson保持距離。我藉口話要去廁所, 落荒而逃。



「Jackson連你都輸左比Danny喎。」
「唔緊要啦, 靚女眼光係特別啲~」
「Jackson人生恥辱哈哈哈。」

佢哋傾偈聲漸遠, 我都冇理到Jackson個反應, 淨係急急腳行去廁所方向。

去到女廁，我一望塊鏡，塊面已經紅到好似醉左咁，連帶耳仔都紅埋。已經好耐冇試過有男仔搞到我咁,我一路用洗手嘅凍水拍自己塊面, 一路諗番起頭先嘅畫面。 恥辱。係我輸了。我越諗越唔忿氣,一股莫名的勝負慾係我心入面升起。