《末日綻放之愛》: 楔子

《末日綻放之愛》楔子
-
『特別新聞報導：一種不知名病毒正在流入香城，此病毒極具高傳染性，初步估計透過血液傳播，患者感染後會有嚴重暴力傾向、喪失理性及會向未受感染人士施以襲擊，請大家小心。

香城政府呼籲各位市民留在家中，減低外出，鎖好門窗，以免感染者混入家中傳播。如有最新消息，政府將會第一時間通知各大市民，以提防襲擊。

祝大家平安。』

－－－－－－





3033年 12月 13日     香城－首日爆發

各大電台、電視台、不斷重複播放呢段由政府發放可有可無嘅訊息。

一日之間，香城市民人心惶惶，擔心自己會成為下一個感染者，市面出現搶購物資、交通嚴重擠塞等混亂場面出現。

街市、超市已經堆積長長嘅人龍等住掃貨儲糧，新鮮食品已被搶購一空……

街道外嘅馬路都不遑多讓，眾多主要幹道已經出現長長車龍，紅隧往香城島方向車龍龍尾已經倒灌至獅子山隧道沙田入口……





鐵路服務不應龐大流量，早已淪陷，大部分車站實施人流管制，以及封閉部分車站以減低乘客量…… 

至於這麼危險為甚麼還外出至人多的地方？因為每一個香城人都是黎生，超級熱愛上班，無人能阻止……

－－－－－－

而身處喺亂世嘅你，又會點自救同時可以救到身邊嘅人呢？一對青梅竹馬又點樣可以發展亂世下嘅關係？

末日亂世下呈獻：《末日綻放之愛》





2024 2月
亂世之中 有你我同在

－－－－－

澄澄故事台即將迎來五週年，今年將會推出一系列長期沉澱喺靈感床入面嘅作品，包括打響頭炮嘅《末日綻放之愛》，大家睇完楔子，係咪感覺似曾相識呢？呢篇文好似一年幾前見過咁。冇錯，呢個故事原名就係宣傳已久嘅《他和她1347》，而呢集嘅楔子同2022年11月連載嘅一模一樣。至於點解要改名，就係因為呢個故事雖然未正式出街，但喺故事內文入面出現咗重大嘅修改，同時亦都加入咗好多嶄新嘅元素，豐富咗故事內涵。

同時呢個舊名，老老實實又真係幾Hea嘅，2022年初求其brainstorm出嚟，呢個名望落又真係幾難登上大雅之堂，重點係個名完全唔吸引人撳入去睇呀嘛！正所謂「不怕生壞命，只怕改壞名」，而家演算法咁影響點擊率，如果個名都唔吸引，就算內文再吸引，都吸引唔到讀者去睇。

再加上，喺度橋嘅兩年幾接近三年嘅時間入面，中間都發生咗好多事，尤其係作者自己人生嘅成長抑或社會嘅變遷都係，藉住呢個機會就將所有值得紀錄嘅事，透過小說形式紀錄。既然故事有咁大嘅改變，索性改埋個新名，等大家有一個耳目一新嘅感覺。

2024年，澄澄故事台嘗試好似以前咁，有一個規律嘅時間出文，奈何而家學業繁重，令到冇咩太多私人時間寫文，所以唔再係當年全盛時期嘅每個禮拜逢星期三、日出文，而係暫定每個月10號、20號、30號出文，希望大家記得原來仲有澄澄故事台呢個過氣網絡作家，亦都俾我一個重新開始嘅機會。

《末日綻放之愛》將會喺Instagram、Penana、紙言同步連載，歡迎follow澄澄故事台Instagram帳號 @chingchingstory，可以得悉最新連載資訊。





－－－－－－

下一部作品，應該會出一個係超級適合香港人嘅作品，相信大家對Dear Jane一啲都唔陌生。如果大家鍾意Dear Jane，呢個新系列一定非常啱你，就係延續Dear Jane三部曲嘅連載短篇《dEaR jAnE 三部曲 再續》，改寫陳浩然同高小曼分開之後嘅戀情，並用Dear Jane歷代嘅歌作為每個短篇嘅靈感，暫定2月會同大家見面！
-
（待續 To be continued）

IG：chingchingstory