【真人真事】冤冤相愛何時曉？: 25.

「真係睇唔出原來你個人係咁細膽，做少少嘢都驚驚青青咁，約女出街啫下話，都要咁多人鼓勵你先至肯去約。」淇姐搖著頭說，看來她對我的性格不太滿意。

「挑，你地係唔會明，你知啦，俾人拒絕好柒㗎嘛。」

「吓，咁好似連登啲人咁講，佢都同得你出咁多次街，仲要係去迪士尼喎大佬，點會拒絕你啫。」

「唉所以咪話你根本就唔明，係我夠知佢成日同我出街，但係我就硬係唔敢主動去搵佢。」

「咁你繼續講落去，你地嘅第三次迪士尼之旅做咗啲咩？」





「咁講第三次迪士尼之旅之前呢，就先要提一件事嘅。你記唔記得個一排呢，mirror咪好紅嘅，差唔多周圍都係鏡粉，到處都播緊mirror嘅歌咁嘅？」

「係吖，咁同你去迪士尼有咩關係？」

「咁個關係就係，周楉童唔知點解會鍾意咗Anson Lo，然後去迪士尼嘅前兩日，佢無啦啦Dm我話，不如我地聽日去一齊出街去搵Anson Lo個廣告打卡。」

「吓，咁啫係你而家連續同佢出兩日街呀？」

「無錯喇，就係咁開心，一係唔出，一出就出咗兩次。」





於是在去迪士尼的前一天，我又跟她出了街，去了西環那一頭，主要是她想我幫她拍照。

不過最後她嫌棄我的拍照技術，一張也沒po出來就是了。

到了第二天，一如以往，我們約了十一點，而她同樣的是起不了床。

我一直等呀等，直到半小時後她才又打回給我。

「喂？早晨，我啱啱先起身唔好意思，不如我地去睇戲吖？」她說。





「吓，又話入迪士尼？無啦啦睇乜嘢戲...」其實我想跟她進迪士尼多於跟她去看戲。

「我想睇嗰套...當男人戀愛時！原本前幾日我約咗我啲朋友去睇㗎，跟住佢地一個二個放晒飛機，得返個男仔係度，咁我無理由同佢去睇呢套戲㗎嘛，所以最後搞到我無得睇，唉總之我地去唔去睇戲呀。」她語帶興奮地說。

「睇囉睇囉。」反正她說甚麼我也會同意的。

於是我們便去了看戲，身旁的人都哭得死去活來，唯獨我倆無動於衷目無表情的看完。

完全不明白有甚麼好哭。

看完戲便又去了迪士尼，說了那麼多次已經沒甚麼再可說，反正我也不記得發生了甚麼。

到了八點左右我們便回來了，而回來的路上，我一直想著應該如何開口約她下次出街，豈料未待我開口，她便主動問了。

「喂，不如等我補考完數學之後我地再去玩吖？」臨別前她問我。





哦係唔好意思之前唔記得交待，佢數學考試考得太差所以要去補考。

「哦好呀，去囉，你幾時補考完吖？」

「我...下個星期四考！星期五可以出街！」

就這樣，我又被她主動約了。




得閒咪fol下我ig囉：maanyin05