<網上交友的第一次> 憑感覺愛上你: 第二十三章:溫暖的來電
↵做市場部門嘅我,無時無刻都好忙,特別有大project嘅時候。普通office工喺星期六d人就話可以hea住咁做,返半日就可以即
刻走人,但我依啲分分鐘要開OT。以前就話有某人成為我嘅動力之柱,依家嘅我即時放工都無地方去,何況做緊野想搵個人
text下都難。咁嘅生活真係好苦悶,每日返工放工返屋企,星期六日就多數做宅女,同Jessica佢地出去又會有幾可?辦公室,
一身塗滿白色嘅牆,配上灰色嘅枱,如果向四周圍好快咁望一眼,眼前就好似出現白濛濛一樣,唯一比較突出嘅顏色就係黑色
嘅電腦椅。喺一個充滿白色嘅環境,加上涼浸浸嘅冷氣,的確唔能夠喺依個office做野途中同時享受其中。當然你唔能夠期望
一間辦公室有任何美感可言,亦不能夠賴依間公司嘅內部環境影響你嘅工作心情,但一個咁dry嘅人(我)配上一個咁dry嘅辦
公室,就會成為『Double Dry』。而Dry正正會帶嚟負面情緒,從而影響工作表現。話雖如此,若然從寒地之中帶點溫暖,的
確能夠為你全身提升一些小濕度。
忙裡偷閒,我接到Wilson嘅來電.....
『喂?』
『Christy有野同你講』
從而Wilson把聲變咗背後嘅聲
Wilson:『嚟,同人講你今日生日,收到姐姐比你嘅禮物,講多謝姐姐啦』
Christy:『邊個姐姐?』
Wilson:『咪上次喺我屋企同你玩果個姐姐』
好快,我已經聽到Christy把聲
Christy:『喂,姐姐』
Christy:『啊,唔係呀!』
Christy:『舅母!你喺邊呀!我想同你玩呀,陣間我媽咪又要我訓覺呀,你可唔可以陪我訓呀!』把聲忽然變得好大
Wilson:『喂!做咩突然咁大聲!仲有我係叫你同人講多謝呀!』
我:『haha,生日快樂呀Christy!』
Christy:『我今日生日呀,多謝你比我嘅禮物』
我:『唔駛客氣,你今年幾歲呀?』
Christy:『4歲』
Christy:『舅父,eh呢,我想要果個eh見到人果個』
Wilson:『邊個?你講咩?』
Christy:『上次呢,我喺依度見到媽咪,我想要果個』
Wilson:『你想喺度見姐姐?』
Christy:『YES!』
Wilson:『喂,Christy話想同你視像喎』
我:『但係我仲係office喎』
Wilson:『姐姐........唉算,舅母話佢好忙呀』
Christy:『咁我幾時先可以同舅母玩?』
Wilson:『下,遲d啦』
我:『唔講啦,我要做嘢啦,你比Christy聽』
我:『Christy,下次我再同你玩啦,我要做野啦,byebye』
Christy:『哦,byebye』一把好sad嘅聲
Wilson:『比個goodbye kiss啦』
Christy:kiss*
我:『haha,byebye』
Christy係一個好精靈可愛嘅小朋友,由佢堅持要叫我舅母同埋想見我,佢真係比到我一個好溫暖嘅感覺,小朋友確實能夠帶比
人歡樂。我好想再見Christy,好想同佢玩,唔知仲有無依個機會呢?答案係 __. 事實上,一日佢屋企人喺度,試問我又邊
夠膽同Christy見面?不過如果我 ____________嘅話,就唔會無可能;最後,我亦的確做到。