拖住我隻手，得唔得呀？: 第六章：呢個女仔叫咩名呢？

  如果我可以喺今次呢個Porject到幫到手既話咁唔知佢會唔會原諒我呢？不過其實都唔到我諗可唔可以啦，根本就得返呢一個機會，而且呢一個機會仲好緊迫，因為得返三日就要Present啦。
 
  不過我都係要了解多啲個Project多啲先得，始終之前嗰次資料搜某程度一直都喺到Freeride，實際上我要做乜野都唔知。我諗都係去多次灣仔到影下相同做多幾個訪問先啦，反正之前嗰日我一路都只係諗住要氹返希文，根本就冇好好留意下自己要做既野。
 
  不過講開又講，如果我要做既話我就一定唔可以馬虎。一份求其做出嚟既Project有邊個唔識整呀？如果唔可以比希文佢睇得出我既意既話根本一啲意義都冇。
 
  開頭我都只係去下嗰啲好典形既舊區境點，即係嗰啲咩藍屋呀，舊街市之類。不過其實嚟嚟去去咪又係嗰啲，好難做到可以好突出架喎，唔通真係冇其他方法？
 
  不過我見自己都行咗成個朝早，行到個人都有啲口渴，咁啱行過一間唔係好大既士多，最後就走咗入去睇下有冇乜野好飲。
 




  呢間士多話大就真係唔係好大，始終香港地啲鋪租咁貴，啲鋪頭大極都有個譜。從外面望入去真係好暗，我諗大慨係因為宜家正值中午想慳返啲電費掛，不過就係因為咁暗反而喺條街到突顯出嚟。門口只係放住啲好普通既飲品，都係茶字典同可口可欒咁，不過令我估唔到既就係佢個價錢居然可以維持到我細個嗰時咁賣到三四蚊一支。我開頭都只係為咗買野飲先至入嚟，但係入嚟呢望下嗰到望下，唔經唔覺居然望到入曬神，幾乎連自己點解要入嚟都唔記得。
 
  「阿樑？你係唔係阿樑呀？」
 
  無啦啦聽到一把女仔聲喺到講野，仲要似乎喺到確然緊我既身份。我由本來望呢間鋪望到入曬神既情況立即抽離咗返嚟，由眼前既一箱可口可樂到抬頭一望，居然發現咗一個幾熟口面既女仔身影，扎住一條短短既馬尾，戴住黑色既粗框眼鏡，著住一條粉紅色既長裙。
 
  「咦，你係……呀…呀……」
 
  「我係阿玲呀，不過你叫唔出我個名都唔出奇既，反正開咗學咁耐我都未正式咁同你傾過計。」
 




  呢個阿玲就係我宜家呢間學校既同班同學，不過因為我地唔係同一組，所以我都有乜野機會可以同佢傾到計。睇見阿玲佢講野既時候眉頭一皺，然後講得愈嚟愈細聲，睇嚟好似因為我唔記得佢個名而唔開心咁。
 
  「好對唔住呀，我冇心架。」
 
  「唔緊要喎，我…我都冇介意。」
 
  唔知係咪因為佢同我唔係好熟既關係，佢講野既時候塊面好似有啲泛紅，個頭唔係望到好高，睇線大約只係去到我條腰到，講野又有少少窒窒地，總之就係一副怕怕羞羞咁，喺旁邊睇其實都幾可愛。
 
  「係呢點解你會喺到既？唔通你都係用灣仔作為我地Project既主題？」
 




  「唔係，我地嗰組係…係選擇旺…旺角。」
 
  「咁點解你會喺呢間士多出現既？」
 
  「咁係因為呢間鋪係我屋企開架，而我就住喺呢頭。」
 
   「原來係咁……」
 
  「喺呢，你…你係唔係要買野呀？我計你平啲呀？」
 
  「咁又唔係幾好意思既，其實你地呢到啲野已經比出面既平架啦，由得佢啦。」
 
  「咁好啦。」
 
  阿玲佢講完之後塊面又再次紅曬，然後個頭側一側咁喺到笑。我拎起一支茶字典之後遞過手上面既錢比佢，佢慢慢伸出雙手接住，數完之後就放咗入收銀機入面。




 
  「你想用用灣仔邊…邊到做Project呀？」
 
  「邊到呀？其實我都未諗到架，我見嚟嚟去去都係嗰啲景點，好似冇咩新意咁。如果有啲好似呢到既小店呢咁就最好啦。」
 
  「咁如果你唔介意既話……我…我……」
 
  之後我見到大力吸咗一口氣，大力到兩隻眼都會埋咗，好似係想講一啲好重要既野。
 
  「不如我帶你去行下灣仔啦！」
 
  雖然佢講呢句野既時候唔係話好大聲，之不過係我見到佢咁耐佢最大聲既一下。老實講我都有少少比佢嚇親。不過既然有個喺到住既人帶我行喎，我緊係應承啦。
 
  「咁就麻煩你啦。」
 




  「唔緊要……」
 
  就係咁我同阿玲就一齊喺灣仔到行嚟行去。

___________________________________________________________________________________________________________________

順便喺到祝埋大家中秋快樂
我諗宜家更新既時間會係一星期一次左右
希望大家可以比啲意見同埋推介比朋友睇, 有勞了 (笑)