我係網上面識左個女仔: 第十四章-家變

呢晚，我訓得唔太好。

我深深體會到咩叫一波未平一波又起。

我仲煩緊Anna單野，屋企又發生大單野。

「啪！」
清脆的巴掌聲。
將我由同Anna之間嘅點點滴滴中拉回現實，我暫時將同Anna撲塑迷離嘅關係放低，睇下發生咩事。





「我做錯左啲咩呀……」
阿媽臉上有片清楚嘅紅印，佢坐左係沙發，喊緊。

「Bang！」
阿爸大大力刪門，我依稀見到，佢拉住個喼。

「阿仔……你老豆唔會再返黎啦！」
我望緊道門時，阿媽發現左我。

「阿媽……發生咩事呀……？」




其實我都估到9成係阿爸掉低阿媽。

「你老豆…佢…有第二個女人…唔要我地啦……」
阿媽一邊抽泣一邊講。

我安慰左阿媽一陣，然後返左房，阿爸，你咁做一定有你原因嘅……係咪？

我唔想去信阿爸走左去，但又信唔到佢有苦衷……

成晚係度煩呢兩樣野，所以訓得唔太好。





鬧鐘響起，我無力地熄左佢，拖住沉重嘅身子，起身刷牙洗臉，今日要返學。

返到學校，平時少聽書嘅我精神更加散渙，咩都聽唔入耳，Anna……阿爸……阿媽……

「李榮軒同學，請回答呢條問題。」
ship！

「……唔好意思，可唔可以問多次……？」
「揭開你本書第六十三頁先啦同學。」
「喔……」
「請問作者想藉本文帶出咩主旨？」
當然我答唔出，老師都只係罰左我企，中文老師都算好人，不過英文堂就無咁好彩，我一樣被老師叫左起身答問題，我一樣答唔到，加上上堂唔專心，我放左學要留堂。

「李同學，可唔可以解釋下點解上堂發夢？」




「對唔住老師……」
「我唔係要罰你，只係想了解下你咩事姐。」
英文老師其實係輔導組老師。

「無野……」
「如果你唔講我就要打比你家長傾傾你學習態度嘅問題啦。」
好老土不過……橋唔怕舊最緊要受。

「唔好打俾我阿媽……」
「咁你到底發生左咩事？」
「阿爸…琴日掉低左我地兩母子……」
「噢…….Are you okay?…」
「我想返屋企睇睇我阿媽。」
「如果需要幫手記得搵我，你返去先啦。」
老師再附上一個親切嘅笑容，老師，多謝你。





翻到屋企望住阿媽，佢一日殘過一日。

每日翻學唔知聽咩，翻到屋企望住阿媽好殘嘅樣，佢……都好耐冇笑過啦……

最衰都係阿爸……搞到阿媽咁辛苦……

有日我返到去，見到阿媽訓左係沙發，心都安樂啲，佢好似好耐冇教好訓啦。

Anna嘅事，都係遲啲先諗啦……