美國佬的衝擊 ，異能の抗爭: 第三章

「傻仔，唱歌做咩唱得咁大聲呀，係咪又想食蕉呀！」叫春女終於出現啦，仲要一黎就嗌我傻仔，我真係對佢深深不能自拔。  

「你...你點解會黎搵我既」  

「無聊咪搵人玩下囉，你又做乜日日係個天台到！？」

「我...我其實係..係到等你既出現...」面對住叫春女，我發覺我唔可以正正常常，光明正大咁講野，情況就好似偷食左粒糖，呀媽話唔見左買比呀妹粒糖咁，做左虧心事。

「等我...?」我聽得出叫春女把聲有小小羞澀，我咁大個仔都無女朋友，我唔可以放過今次既會，月老上次你連住左朝日先生同女罐，今次就將愛神之箭射落我同叫春女啦！！





「你唔好痴線啦，傻仔！雖然你個樣係幾得，又有一米八七，不過你見到我就唔會中意我架啦！」佢把聲由頭先既羞澀變到而家有啲失意。

叫春女停左停又開始講，「仲有月佬唔係射箭架，佢剩係識拉線架咋，射箭果個係后羿呀！」佢一言驚醒李家仁，我都係到以家先知后羿係射果個，我都唔記得左丘比特係咩啦。

先唔講佢點解聽到我既心聲，但點解佢話一見到佢就會唔中意佢呢，一個咁細心既女仔係邊到搵，點樣先可以見到會個真面目呢！？唔通佢...

係一個肥婆？  

「係喎！？你...上次話買超能力？係邊...到有得賣...架...？」我講野越黎越細聲，去到個架字直頭消左聲，因為越講越覺得事有蹺蹊。





「都話你係傻仔黎架啦，講下你又信，哈哈！」叫春女呢下一笑，果種甜仲甜過飲完啖啤酒，食粒m&m咁，好大獲。

我諗我...已經跌入左愛河啦..河啦..河啦...

佢講完呢句就走左，我都由白色既竟界番到去天台。  

之前覺得聽到女神果把聲我已經好心滿意足，我無希望過要見到佢，但係自從佢講完話見到佢我就唔會中意佢之後，我就覺得佢越黎越神秘，我好想見佢。  

「呀！頂，頭先做咩唔問佢聯絡方法呢，我真係蠢！」  





___________________________________________

如是者三個月來我都上個天台等待女神既出現，直到2020年9月9號既今日...

記得係幾年前啲人話，男人既浪漫豆腐火腩飯，我就話緊係加多支純薄荷萬啦。  

我以前覺得人生中無左煙同酒既話，我生存係世上仲有咩意義？

但係沈迷下去放不低笑著惹禍，我個心剩係得番叫春女，真係好想知佢個名叫咩，好想見佢真人，好想同佢出街，好想收服到佢。  

古有劉備借荊州，今日呀巴上天台，真寫意，呀巴係乜水？

咁就緊係我啦，我全名叫太叔巴，唔好誤會，我唔係姓太，我係姓太叔，因為個名搞到我個人老哂既關係，我啲老死係叫我呀巴既。  

可能你又會問我老豆係咩人，會有啲咁既姓，其實我都唔知我老豆係咩人，自我懂事以黎我就已經係孤兒院長大，講講下我都好掛住院長同一班院友，唔知佢地而家點樣呢！？





基本上我啲朋友都係孤兒院到識，其中有兩個仲要交心知己，但係自從果件事發生左之後，大家就失散聯絡。咩事？呢個係題外話啦！
___________________________________________

我自從上次買完罐超級乾，我發覺超級乾先係極品中既極品，我今日帶同超級乾一齊上天台， 拎緊部3310覆緊wtsapp，歌都未開既時候，黑影又重重包圍我，終於黎啦. ..  

我打開眼諗住叫句娘娘大人既時候，有幾把近身武器同幾把槍械從天而降，然後叫春女用一把好急躁既聲線同我講「我就係知道你今日都會係到，你快啲帶埋呢啲去國金一期天台救我，我比人追殺緊，快！」

叫春女講完之後個天跌多左個袋比我，我就去番國金二期既天台。  

我知道叫春女以家既情況好危急，我即刻帶埋啲（㗎撐）跑去國金一期既天台，佢比咩人追殺唔重要，最重要係唔知佢咩樣呢！？  

轉眼之間我已經跑到國金天台， 我見到有個奻向我揮手，唔通佢就係叫春女？短頭髮，有小小包包面遠睇似杜小喬，近睇係陳嘉寶，好正！衣衫不整既佢，我好想就地將佢正法。  

但係我知呢一刻救人要緊，我立即將啲武器交比佢，「我叫呀巴！」我講呢句果時附上一個親切既笑容，佢見到果時單眼對我笑左笑，你試諗下陳嘉寶對我甜笑，我幾生都修到咁既褔。  





但係係佢笑果刻我係佢後面見到有條老西友背對住佢手持武器，呢條友可能就係追殺嘉寶既人，我即刻拖住佢隻手一路跑到附近既水箱，我地挨住左個水箱，隻手無放開過... 
原來戀愛既感覺就係咁...
我頭先係件老西穩約見到三隻字...  

GOD...