人海中遇見你: (9)

"Happy Brithday!"

我一揭開眼罩就見到Elsa,Jenny,呀晴,呀琛的父母。 

我看到這個畫面眼淚就不禁流下來，實在太感動，我想不到有這麼多人和我慶祝生日。 

"Winnie,Happy Birthday!呢份禮物係我地三個夾份送俾你架。" Jenny拿著禮物向我走近。 

"多謝你地呀，我可唔可以拆開呀?"  呀晴點一點頭。 





這份禮物是IQ博士的全套玩偶，因為我是很喜歡IQ博士的，但我想不到她們會給我買一整套。 

"鐘唔鐘意呀?" Elsa說。 "我好鐘意呀，好多謝你地呀!" 我抱著她們三個說。 

隔了一會，呀琛的父母向我走近 : "生日快樂呀，呢封係我地俾你嘅利是。" "

多謝你呀，Auntie,Uncle。" 我眼裡開始有點淚水。 

Uncle拿著一杯紅酒說 : "呀琛同我地講左話你爸爸唔會返黎香港，所以我地今日做住你爸爸媽媽先。" 





"好多謝你地，我好耐未試過咁開心喇。" 我向呀琛的父母微笑著說。 

音樂開始播起來，首先呀琛的父母先走出大廳為大家領舞，接著呀琛向我伸出手邀請我跳舞。 

"May I?" 呀琛壓低了自己的聲音問我。 

"Sure." 我當然會答應他。

我們在大廳的中央跳舞，呀琛用他的步伐帶領著我，我有時候會不小心踏到他，但他都會一笑而過就算。 





到我切蛋糕的時候，呀琛的父母忽然起哄叫我親呀琛一下，隨著他們的起哄，就連Jenny他們開始起哄。 

我在逼於無奈的情況之下，就親了呀琛一下 : "嗱…我順從民意架炸。"

呀琛點一點頭。 誰知道有一個中年男人唱著生日快樂歌走出來，他…他是爸爸。 

我高興得跑上前抱著他 : "點解架?你唔係話要去傾生意咩?" 

"我傾嗰單生意係喺香港架，傻妹。" 爸爸拍一拍我的頭說。 

就是這樣，我今年的生日伴隨著笑聲、歡呼聲、吵鬧聲和音樂聲就完了。 

爸爸說他去酒店睡，所以就沒有跟我回家。 

呀琛送我回到家時已經晚上1點多，我第一件事就想起呀熙，他可能還在我家等我。 





"Winnie,你今日開唔開心呀?" 呀琛好像很期待我的答案。 

"開心呀!好耐都未試過咁多人陪我過生日喇，往年都係得你同呀熙…" 我停頓了一下，因為我自己又不小心提起他  "總言之就開心啦!" 我對呀琛笑了一個。 

"咁你合埋眼先呀，我有最後一份的禮物俾你呀。"  

我表示有點不滿 : "又有?你已經送左好多野俾我喇，好心你就慳番啲錢啦!" 但我都照他的說話去做，閉上我的眼晴。 

他幫我戴上一條鑲有很小顆的鑽石頸鏈 ，"崔穎芯，生日快樂!" 呀琛情深款款看著我笑。 

呀琛擁抱著我說 : "崔穎芯，你可唔可以做我女朋友?"  

"你咁突然…我…我真係唔知呀…我…我遲啲再答覆你丫…"  





雖然我經常都受到呀琛的表白，應該早已習慣才對，但不知道為甚麼這次有心跳的感覺，也許是因為他今天所做的事令我感動而已。 

"咁我等你答案喇。" 呀琛親了我額一下說 : "早啲返去休息喇，早抖。" 

"早抖。" 

我原先是抱著興奮的心情回家，但我一打開門口就看見呀熙坐在梳化上，他的樣子看起來很生氣、很傷心，但我沒有理會他，我在他面前走過。 

呀熙突然間……